[A:63b]sogs pa gsungs te/ che ba ni mi ste/ de rnams kyi sha ni shi ba'i ro las byung bas na dam tshig mchog ste/ des gtor ma byin la/ rdo rje gsum mchog ces bya ba rang gi lus bsgrub par byas na nam mkha' la gnas pa thob par 'gyur ro zhes sogs rgya cher bshad nas/ don bsdu ba na kha na ma thob ba med pa'i sha med na cho ga bya ba bstan par bya ba'i phyir sha rnams thams cad ces bya ba la sogs pa gsungs te/ de ltar bshad pa'i sha rnams ma rnyed na bsgoms pas sha rnams bskyed par bya'o/ /yang na bag phye la sogs pa la mi ro la sogs pa byas la/ de'i rang gi gzugs las srog dang bral bar bsam nas/ de'i man ngag gis bsgrub par bya'o/ /rdo rje sbyor ba ste mi bshig pa'i kha zas kyi cho ga bshad ma thag pa 'di byas na sgrub pa po la sangs rgyas thams cad kyis byin gyis rlobs par mdzad cing / mngon par 'dod pa'i don gyi dngos grub thob par 'gyur ro/ /zhes bya ba la sogs pa rgyud dang gzhung 'grel tshad ldan rnams las shin tu mang bar gsungs so/ /des na sa bcu pa'i byang chub sems dpa' padma dkar po dang / phyag na rdo rje la sogs pas chos shin tu gsal bar bshad pa 'di dag rgyang ring du bor nas/ ltar snang ba'i lung dang rig pas phyin ci log gi grub pa'i mtha' 'dzugs pa ni/ 'dod sred can gyi gdon gyis zin pa'am/ shes pa rang bzhin du mi gnas pa'am/ mngon sum la smyon pa kho na yin par gor ma chags so/ /de bzhin du dkyil 'khor gyi cho ga mchod pa dang / rnal 'byor pa rnams kyis bsten byar gsungs pa'i chang yang rgyud sdom pa 'byung ba nas ji