[A:64a]ltar bshad pa ltar/ gtso bo'i cho ga tshul bzhin du byas pa'i bur chang ngam/ nas la sogs pa rgyud sde nas bshad pa dgos pa yin gyi/ ci yang rung ba'i chang gis tshogs rdzas byed pa bshad pa med do/ /de ltar bshad pa'i sha dang chang rnams kyang dpa' bo'i ston mo la sogs pa'i tshe lha'i rnal 'byor brtan po dang ldan pas cung zad kha tshim pa tsam bsten pa yin gyi/ ha cang rgyas pa dang ting nge 'dzin brtan po dang mi ldan pa'i las dang po pa'i rig pa 'dzin pa dag gis cho ga tsam shes pa'i gtan tshigs kyis ci dgar 'jug pa dang / 'dzag bde don gnyer gyi blos phyag rgya bsten pa rnams bkag pa yin te/ dus 'khor las/ phyag rgya bsgom pa'i don du gsungs te nyin mtshan dus su chags pa zad pa'i don ni min pa nyid gsung gi rdo rje mchod pa'i don te/ nges par sngags pa rnams la myos byed gsungs pa nyid ma yin/ zhes dang / de'i 'grel par/ da ni phyag rgya zhes pa la sogs pas rnal 'byor pa rnams kyi phyag rgya dang / myang ba dang / kha zas dang / rgyu ba'i nges pa gsungs te/ 'dir bcom ldan 'das kyi phyag rgya gsungs pa ni/ bsgom pa'i don du rnal 'byor gyi phyag rgya gsungs pa ste/ chags pa zad pa'i don ste/ rgyur nyin mtshan du bud med dang rol bar gsungs pa ni ma yin no/ /de bzhin du chang btung ba ni cung zad kha tshim par byed pa ste/ bum pa la sogs pa bzhin du ma yin te/ myos byed ni rnal 'byor gyi dbang po rnams la thar pa ster bar byed par mi 'gyur ro/ /zhes gsungs so/ /de bzhin du slob dpon chen po dznyA na kirtis/ gang