[A:64b]yang 'di skad du bshad pa'i dkyil 'khor ba'i chos kyi don mi shes par dam tshig dang sdom pa la sogs pa thos pa tsam la brten te/ dge ba la lhod pa 'ba' zhig tu ma zad kyi/ sangs rgyas bcom ldan 'das kyi kho bo rnal 'byor pa rnams la rjes su gnang ba yin no zhes sgra sangs mthon por sgrogs shing chags pa la sogs pa'i dbang du gyur pa'i sems kyi rgyud kyis mi dge ba rnams kyang byed pa de rnams ni sangs rgyas bcom ldan 'das la skur pa btab cing bslus pas shin tu dam tshig nyams pa'i phyir mnar med pa nyid du ltung bar 'gyur ro/ /zhes bshad pa'i phyir ro/ /de bas na gnas skabs su bya ba'i khyad par 'di la bsnyad btags te bag med par spyod pa dag ni/ lhag spyod kyi ting nge 'dzin bsgom pa'i rnam par thar pa dang kun tu mtshungs pa'o/ /smras pa/ yang dag mgon gyis ma gzigs pas/ /rnam dag dam pa'i tshul dor nas/ /ma dag 'tsho ba don gnyer ba/ /mtha' dag tshogs kyi lan yod min/ /mjug gi chos ltar bcos nas chos min byed/ zhes sogs tshigs su bcad pa gcig la rgyas bshad mi 'dug kyang / de'i lan ni/ rgyal ba nyid kyis legs par btab pa yin te/ 'phags pa dge ba'i rtsa ba yongs su bzung ba zhes bya ba'i mdo las/ kho bo cag gi rje thams cad mkhyen pa 'di lung bstan pa'i mjug tu/ gang dag phyi dus dge slong rnams 'byung ba/ /rtsub dang gtum dang shin tu rtsub pa yi/ /dge slong gzhan gyis 'di la rtsod par 'gyur/ /chos 'di rgyal bas gsungs pa ma yin zhes/ /'jig rten phyin ci log la kun dga' bltos/ /zhes dge