[A:71b] /phyogs snga'i bsam pa ma nges par/ /phyogs 'dzin gtam gyi ca co yi/ /phyogs gzhan khegs par mngon rlom pa'i/ /phyogs re'i mig can 'ga' med dam/ /zhes bya ba ni bar skabs kyi tshigs su bcad pa ste don tshan drug pa'o/ /
rgol ba bdun pa ni/ kha cig rgyas gdab kyi skabs su/ sambu T-i las/ rdo rje sems dpa' zhes byar bshad/ /bde ba dam pa ru ni brjod/ /ces pa'i don/ 'khor lo drug pa 'dod pa po rnams kyi lugs la spyi gtsug gi 'khor lo rdo rje sems dpa' bsgom pa la 'bru mnan pas chog mod/ man ngag 'di pa'i lugs la rgyas 'debs kyi lha bstan pa yin zhing / de dang mthun par slob dpon dgra las rnam rgyal gyi phyag rgya bzhi pa las/ kun gyi dbang bskur gnas su ni/ zhes bshad pas lus dkyil gyi lha la rdo rje sems dpas rgyas 'debs pa rgyud dang rgya gar ba'i dgongs pa yin par gsal lo zhes zer zhing / ngag 'don gyi skabs su lus dkyil gyi lha thams cad la rdo rje sems dpas dbur brgyan zhes zer ro/ /de la sambu Ti'i lung des rgyas 'debs bstan par gang las bshad/ gnad kyi gsal byed las/ gsang ba la ni sa yi khams/ zhes pa nas brtsams te/ chos kyi skur ni rab tu grags/ /zhes pa'i bar gyi rang byung gi ye shes kyi mtshan nyid ston pa las/ rigs bdag gis rgyas gdab ston par dgos pa'i gnas tsam yang med la/ rang blos sbyar ba'i rje btsun gong ma'i lugs su 'gyur ram/ slob dpon dgra las rnam rgyal gyi gzhung yang pho brang drug pa ston pa'i gzhung yin gyi/ rigs bdag gis rgyas gdab ston pa'i gzhung ma yin te/ gzhung gi skabs la dpyad pas shes pa yin no/ /'o na rje btsun gong ma'i gzhung las ji ltar bshad ce na/ sras don ma las/ dbang stegs ni lha thams cad la blangs na/ gtso bo lnga la sku rdo rje rnam snang la sogs pa lnga/ 'khor rnams la rang rang gi gtso bo'am/ yang na thams cad kyi dbu la gnas lngar rdo rje rtse lnga pa re re bsam mo/ /zhes dang / 'phags pa rin po ches/ gtso bo lnga la rdo rje sems dpa' dang / 'khor rnams la rang