[A:72a]rang gi gtso bo/ skye mched kyi lha rnams la rang rang gi kha dog dang mthun pa'i rigs bdag khro bo bcu la srung 'khor gyi skabs nas 'byung ba bzhin rigs kyi bdag pos dbur brgyan par bsam mo/ /zhes gsungs pa yin no/ /'o na bshad pa gnyis po ma mthun pa'am/ 'phags pas gsungs pa de mi 'thad do zhe na/ mi mthun par snang ba 'di brgyud pa'i man ngag med par yi ge la thug 'phrad byas pas smra ba ste/ 'dir rdor sems ni rigs lnga po rang rang gi rgyu rdo rje 'dzin pa yin pas rang rang gi rigs kyi rgyas gdab pa yang yin la rdo rje sems dpa'i rgyas gdab pa yang yin pas don cig pa yang yin no zhes smra'o/ /de'i lan ni/
lus dkyil lha la rdor sems kyi/ /rigs bdag bshad pa de nor na/ /'phags pas lus dkyil gtso bo la/ /rdor sems rigs bdag bshad pa de/ /rnam pa kun du dor dgos so/ /gal te 'phags pas bshad pa de/ /rdor sems rigs bdag rigs lnga yi/ /rgyu yi rdor 'dzin yin pa'i phyir/ /de la 'gal ba med ces smra/ /de lta na ni lha kun gyi/ /rigs bdag rigs lnga'i rgyu rdor 'dzin/ /rdo rje sems dpa' yin pa'i phyir/ /gtso 'khor kun la rdor sems kyis/ /rgyas 'debs byed pa grub pa'i phyir/ /skabs kyi rtsod pa sprin bzhin dengs/ /dgos med rtsod pa myos byed kyi/ /dregs pa kun gyi byed las yin/ /phyag rgya bzhi pa'i dngos bstan de/ /pho brang drug par khyed 'dod na/ /pho brang lnga la rtsa 'dab dang / /'khor sogs bshad nas drug pa la/ /de dag mi 'byung ba de ci/ /spyi gtsug 'khor lo zhes pa de/ /phyag rgya bzhi po gang du 'dus/ /phyag rgya bzhi ru ma 'dus pa'i/ /phyag rgya bzhi pa gad mo'i gnas/ /'khor lo bsgyur ba drug yod na/ /rgyal chen 'khor