[A:79a] ma yin no/ /de ltar ma yin na/ ming dbang la'ang nges par dbang rdzas dgos pa dang / ding sang lag len la rdo rje dril bu spyi bor bzung nas ming dbang bskur dus kyang dbang rdzas de la bskyed chog sus kyang mi byed pa sogs la thugs zhib gnang ba zhu/ 'dab bzang dbang po yud kyis bgrod pa la/ /rtsing por bsam nas byi bas lo brgyar ni/ /zhib mor phyin yang rang nyid ngal ba las/ /gzhan du lhag pa'i khyad chos ga la thob// ! //smra ba bdun pa/ lus dkyil gyi lha la rgyas gdab rigs mtshon med pa'i bsgrub byed du rdo rje sems dpas rgyas btab zhes zer ba dang / pho brang lnga'i gtso bo lnga la sras don mar rnam snang la sogs pa rigs lnga so sos rgyas gdab pa dang / 'phags pa rin po ches gtso bo lnga la rdo rje sems dpas rgyas 'debs par gsungs pa la de gnyis dgongs pa gcig pa'i sgrub byed du/ de skabs kyi rigs lnga dang rdo rje sems dpa' khyad par med par byas nas/ rgyas btab de rang rigs kyi rgyas gdab gang yin la/ rdo rje sems dpa'i rgyas btab yang yin par 'dod do/ /de ltar na lus dkyil gyi lha rnams la rdo rje sems dpas rgyas btab pa rigs mtshon med pa ma yin par thal/ rigs mtshon yod pa'i phyir/ der thal/ rang rigs kyi rgyas btab yod pa'i phyir/ der thal rdo rje sems dpa'i rgyas btab yin pa'i phyir/ 'khrul 'khor gsum/ sambu Ti'i lung gis ma bstan pa'i sgrub byed gnad kyi gsal byed las ma bshad do/ /zhes pa'ang mi 'thad de/ der rgyud 'chad pa'i dbang du byas pa'i