[A:79b]bshad pa yin la/ 'dir man ngag gi lung sbyar du 'dren pa la de ji lta ba dgos pa'i nges pa med pa'i phyir dang / phyag rgya bzhi pa'i lung gi pho brang drug pa kho na ston rgyu yin na bstan bcos der pho brang lnga'i lha brgya lnga bcu rtsa bdun bstan pa'i rjes su/ kun gyi dbang bskur gnas su ni/ /rdo rje sems dpa' zla ba'i mdog /ces gsungs pas lha de thams cad kyi dbang bskur ba'i gnas spyi bor rdo rje sems dpa' re re 'god par bshad la/ de ltar min na kun gyi zhes pa'i mang tshig gi 'bru ji ltar gnon soms shig des na sras don mar lha thams cad la rdo rje rtse lnga pas rgyas 'debs par gsungs pa'ang 'di dang shin tu gnad mthun pa yin no/ /rang gi grub mtha'i gtso bo la/ sun 'byin byed pa'i lung rigs mtshon/ thogs nas de nyid bsgrub par rlom/ /'di 'dra'i rigs pa sngar ma byung // ! //smra ba brgyad pa/ ngor lugs la bza' ba'i dam tshig med do zhes rtsa bar dam bcas pa dang / 'grel par bdud rtsi ril bu la brten pa khyad par gyi bza' ba'i dam tshig tu mi rigs te/ rgyun gyi bza' ba'i dam tshig yin zhes dang / dpa' bo'i ston mo tshogs kyi 'khor lo yin te/ khyad par gyi bza' ba'i dam tshig tshogs kyi 'khor lo yin pa'i phyir/ de ltar na yang mngon rtogs ljon shing las/ khyad par gyi bza' ba'i dam tshig ni tshogs kyi 'khor lo ste/ de la gnyis las/ ming don dang / cho ga'o/ /dang po la lnga/ gang zag gi dbye ba dang / rnal 'byor gyi dbye ba dang / dus kyi dbye ba dang / dgos pa'i dbye ba dang / mchod bya'i dbye ba'o/ /dang po la