[A:100b]brjod pa'i sun 'byin rnams/ /bzlog pas thar pa'i thabs med par/ /blo ldan rnams kyis shes par mdzod/ /lus dkyil 'byung khungs kyi skabs su/ rigs sngags mkhan po na re/ sangs rgyas las chos 'byung / nyi ma las 'od zer 'byung / sprin las char pa 'byung / zhes sogs 'di 'dra'i rigs can la 'byung khungs kyi tshig ces bshad la/ de 'dir yang sbyar na/ a~M las rin chen 'byung ldan 'byung / zhes pa lta bu zhig tu 'gyur zhing / de'i tshe a~M las byung ba'i rin 'byung / a~M nyid las logs su gyur pa zhig 'dod dgos par/ snga ma de rnams kyi rigs pas shes la/ de 'dra ba skabs 'dir khas blangs su rung ba ma yin te/ a~M las logs su gyur pa'i rin 'byung sprul 'khor gyi dbus su bsgom pa tshad ldan sus kyang ma bshad pa'i phyir zhes dang / yin lugs kyi go ba chags pa la phyogs gnyis ka mi 'gal/ dang po'i las can la ngag 'don gcig shes 'khrul gzhi chung zhes dang / slob dpon rin po che'i lung de'i don ni/ hU~M la sogs pa rnams pho brang lnga'i gtso bo rnams kyi sa bon yin par bstan gyi/ lus dkyil sgom pa'i tshe sa bon de rnams las bskyed dgos par ma bstan/ 'o na ci snyam na/ lam dus kyi rig pa'i dbang lnga'i rigs lnga'i gtso bo gnas gyur pa lta bu'i tshe/ rgyu dbang dang mthun par rdo rje cho ga gsum las bskyed pa'am/ sa bon las bskyed na bhru~M las bskyed ces pa'i don yin zhes zer ro/ /a~M las logs su gyur pa'i rin 'byung sprul 'khor gyi dbus su bsgom dgos par 'gyur te/ a~M las byung ba'i rin