[A:100a]phyag len la mi mthun pa cung zad tsam yang med do/ /zhes mang du smra bar byed do/ /lam dus dbang gi yi ge de/ /dgos med gcig la gsungs pa thal/ /bum pa'i dbang bskur bdun pa la/ /'khor gsum yongs dag med pa'i phyir/ /rje btsun nang 'gal gsungs pa dang / /sku mched gnyis kyang 'gal bar thal/ /rdo rje gur gyi gzhung don des/ /'khor gsum yongs dag bkag pa'i phyir/ /'khor gsum yongs dag zhes bya ba/ /chu dbang kho na yin par thal/ /dbang bskur phyi ma drug po la/ /'khor gsum yongs dag med pa'i phyir/ /rdo rje gur gyi gzhung don dang / /slob dpon rtse mo'i dbang chu de/ /khyed kyi dgag byar yin par thal/ /dbang bskur bdun gyi slob dpon de/ /rigs bdun so sor 'pho ba'i phyir/ /dbang bskur bdun la khyed nyid kyang / /'khor gsum yongs dag med par thal/ /lam dus dbang gi yi ge dang / /khyed kyi phyag len mthun pa'i phyir/ /lam dus dbang gi yi ge dang / /khyed kyi phyag len 'gal bar thal/ /dbang bskur phyi ma gsum po la/ /dbang rdzas yongs dag med pa'i phyir/ /man ngag lugs kyi brtul zhugs dang / /slob dpon gnyis kyi dbang rdzas la/ /bsdus pa phyi ma sbyar zhes pa/ /gyi na tsam gyi tshig tu thal/ /de la dam rdzas med pa'i phyir/ /rang gi bzlas pa'i rigs sngags kyis/ /rang nyid dam du bcings lags sam/ /'khor gsum yongs dag ma shes pas/ /ngos 'dzin grub mtha' bcas lags pas/ /rjes 'jug rnams kyang bsdus lags sam/ /rang gis