[A:101a]'byung / a~M nyid las logs su gyur pa zhig 'dod dgos pa'i phyir/ 'khor gsum/ aM las logs su gyur pa'i rin 'byung khas blangs dgos par 'gyur te/ sangs rgyas las logs su gyur pa'i chos khas blangs pa'i phyir te/ sangs rgyas las byung pa'i chos sangs rgyas nyid las logs su khas blangs pa'i phyir/ bhru~M la sogs pa pho brang lnga'i sa bon yin par bstan na/ sa bon las mi bskyed pa ci/ sa bon gyi don gang / rig pa'i dbang lnga'i tshe'ang sa bon las bskyed pa'i don yin zhes pa blo gros kyi 'char sgo ya mtshan che/ dang po'i las can la gcig shes 'khrul gzhi chung zhes pa rje btsun gong ma rnams kyis brtan pa thob pa'i gang zag 'ba' zhig gi ngag 'don du gsungs pa lags sam/ ma mkhyen pa gang lags/ las zhes pa'i 'byung tshig smos pas ngan par gyur du dogs na/ gtum mo'i a~M las me 'byung ba dang / spyi bo'i ha~M las byang sems 'bab pa rnams la ji ltar 'chos lags bsam mno thongs la smros shig rgyas btab kyi skabs su/ rigs sngags mkhan po na re/ khyod kyi kho bo cag la gnod byed du drangs pa'i sras don ma dang / 'phags pa'i gsung gnyis la 'gal spong byas pa des ni/ kho bo cag gi 'dod pa legs par grub pa yin te/ 'di ltar lus dkyil gyi lha thams cad la rdo rje sems dpas rgyas btab pa dang / rang rang gi gtso bos rgyas btab pa mi mthun par sems pa ni brgyud pa'i man ngag med par yi ge la thug 'phrad byas pa'i smra ba ste/ 'dir rdo rje sems dpa' rang rang gi rgyu rdo rje 'dzin pa yin