[A:150a]rnams kyang tshig brling zhing don rgya che la yun ring por dpyad cing / gsung rab gnad kyi go yul thams cad nas blang zhing / rang gi yid la shar tshod kyi go yul snga ma rnams dang / grags tshod kyi chos skad ci rigs pa rnams dang yang ma 'dres par byas nas dpyad pa shin tu dag pa dang / rje btsun gong ma de rnams la dad pa chen po'i kun nas blangs te dgongs pa len dgos par 'dug pa la/ lhag bsam rnam par dag pa 'di lta bu'i sgo nas dri ba mdzad pa ni shin tu rjes su yi rang lags shing / da dung yang rje btsun gong ma'i gsung rab 'di rnams gting dpag par dka' ba yin pas gzhan la 'chad pa dang / rang gi nyams su len pa la sogs pa thabs tshul du ma'i sgo nas bstan pa'i 'khur bzhes su gsol/ zhes bla ma gong ma rnams kyi gsung rab kyi don la blo gros kyi snang ba shin tu rgyas shing / nges don gyi nyams len mthar phyin par mdzad pa'i yongs kyi dge ba'i bshes gnyen dam pa blo gros rab gsal gyis dri ba mdzad pa'i lan/ rang gi cung zad tsam go yul du shar ba 'di ltar yin nam bsam ste mdor bsdus pa tsam phul ba 'di ni/ dpal ldan sa skya pa'i bla ma gong ma rnams kyi gsung rab la yid ches cung zad tsam brnyed pa'i dge slong bsod nams lhun grub legs pa'i 'byung gnas rgyal mtshan dpal bzang pos/ du ru ka'i dmag gi 'jigs pas nyen te/ bas mtha'i dgon pa zhig tu gnas pa'i tshe bris te phul ba'o/ /dus mthar chos min sna tshogs kyi/ /'jig pas nyen pa'i g.yang sa dang / /lta ngan mun pa mi zad pa'i/