[A:45b]pa dang / /zhes pa'i dogs pa zhig kyang 'jug par 'gyur ro/ /ma yin te/ dkyil 'khor bri zhes pa ting nge 'dzin gyi dkyil 'khor bsgrub pa la'ang byar rung bas so snyam na/ de kho bo cag la rung mod/ khyed la 'gal lo/ /ji ltar zhe na dkyil 'khor bris zin nas sta gon bskyar thabs med par 'dod pa'i rig pa des so/ /de ltar na'ang rdul tshon gyi dkyil 'khor gcig tu slob ma brgya phrag du ma la smin byed kyi dbang rim gyis bskur du rung ba'i gong ma'i lung gsal kha can zhig bstan dgos so zhe na/ de mi rung ba'i lung gsal kha can zhig khyod kyis ston cig de'i tshe kho bos kyang cig shos kyi lung zhig bstan par bya'o/ /des na 'di 'dra'i rigs can gyi grub pa'i mtha' ni dkyil chog rnams las dag tshar re bskur ba'i tshul las mi 'byung bas/ dngos bstan de las gzhan ji ltar bya ma shes shing bla ma mkhas pa'i lag len mthong ba brgyud pa la yang med pas/ byis pa'i snying gi chu brgal bar ma nus pa'i mun sprul la khyad nor du bzung ba'o/ /smras pa/ mi mkhas rnams kyis rang nyid kyi/ /gtam ngan ngo sor byed pa mang / /rgyal ngan 'ga' zhig pha bsad nas/ /rgyal rnga brdung ba ji bzhin no/ /rgol ba bzhi pa ni/ /slob dpon grangs nges med pa dang / /zhes pa'i rgyas bshad du gzhan dag rdo rje slob dpon gyi dbang bskur byed pa'i tshe/ grangs dang nges bzung med par sta gon dus kyi nyer lnga po thams cad la dus cig car du dbang bskur ba ni sa skya pa'i lugs ma yin te/ slob dpon rin po che'i 'grel pa lugs kyi dbang chu dang / man ngag lugs kyi dbang chu