[A:48b]te/ 'di ltar thun mong gi dbang drug slob dpon gyi dbang dang bcas pa la 'khor gsum yongs dag bya dgos pa'i khyab pa rje btsun chen po'i bzhed pa yin na/ rje btsun nyid kyis mi bskyod pa la 'khor gsum yongs dag byas nas rin 'byung cod pan gyi dbang yan chad la slob dpon mi bskyod pa'i nga rgyal du gnas nas dbang bskur bas chog pa/ rdo rje gur gyis/ rdo rje sems dpa' dbang bskur bya/ /zhes pa'i don yin par bshad pa dang nang 'gal zhing / slob dpon rin po che'i dbang chu gnyis char las/ rig pa'i dbang 'di rnams la slob dpon bdag nyid mi bskyod pa'i rnal 'byor kho nas kyang rung ngo / /zhes gsungs pa 'di yang rje btsun chen po'i gsung des bkag pa nyid du khas len dgos pa 'byung bas/ rje btsun ni rang nyid nang 'gal gsungs shing / slob dpon rin po che 'gegs po yin par khyod kyis 'bad rtsol gyis bsgrub pas so/ /gnyis pa la gnyis te/ yongs dag bzhi ngos bzung ste rang lugs nyes med du bsgrub pa/ rgol ba'i rdor dril gyis 'di nyid nor pa nyid du bstan pa'o/ /dang po ni/ spyir 'khor gsum yongs dag bzhis byin gyis rlobs zhes pa'i 'khor gsum ni slob dpon slob ma dbang rdzas gsum yin la/ yongs dag ni bsnyen pa/ nyer sgrub/ sgrub pa/ sgrub chen dang bzhi yin cing / de la yang rgyas bsdus bzhi yod pa las/ rgyas pa dkyil 'khor yongs rdzogs kho na la sbyor bar gsungs pa dang / 'bring po ni ji skad bshad pa bzhin yin la/ bsdus pa'i dang po ni skye mched byin gyis rlobs par/ sku gsung thugs byin gyis rlobs pa