[A:50b]pa rang gi phyag len snang gsum khrid kyi rjes dbang bskur te/ de nas sngags lam gyi khrid ston par mdzad pa 'di grwa ston zhus lan gyi lung gis sgrub par mdzad pas/ deng sang rdzong phyogs pa dag gis phyag len gyi rim pa 'di 'gog rgyu ga la yin/ des na rdzong phyogs pa'i rigs can kha cig gis rang gi phyag len tsam mthong ba'i rgyu mtshan gyis snang gsum sngon du dbang bskur nges par byed zer ba de 'dra'ang grwa ston zhus lan dang dngos su 'gal bas sgro 'dogs kyi mthar lhung / ngor phyogs kyi ma go ba 'ga' zhig gis kyang snang gsum sngon du dbang bskur ba gtan nas mi 'thad zer ba'ang gzhan la skur 'debs kyi mthar lhung zhing / jo lcags ma las rnal 'byor pa la/ ting nge 'dzin la/ zhes sogs kyi rnal 'byor pa de la thun mong dang thun mong ma yin pa gnyis su gsungs 'dug pa la ji ltar 'chad/ so so nas mi shes pa dag gis rang nyid gang la zhen pa'i phyogs bzung nas gsung rab rang bzor bkral ba 'di nyes pa che bas phyogs 'dzin a 'thas kyi las bsog pa mi rigs so zhes gsungs pa yin no/ /gsum pa sta gon la 'brel ba yod med kyi rnam gzhag ni/ mus srad pa chen po rdo rje rgyal mtshan gyis/ sta gon 'brel ba med pa dang / /zhes pa'i rgyas bshad du/ slob ma smin byed rdul tshon gyi dkyil 'khor gcig tu thog ma'i dbang bskur tshar gcig po de rigs mod/ de'i rjes su dkyil 'khor gcig po de nyid kyi steng nas nyin re bzhin sta gon snga ma'i dngos gzhi re dang / dngos gzhi rting ma'i sta gon re spel nas zhu mkhan ma rdzogs kyi bar du byed