[A:64a]dang / dgos pa'i dbang gis de ltar mdzad pas dgag bya mang po khegs par bstan pa dang / slob ma slob dpon gyis skal ba can la phyag len de nges par byed dgos par bshad pa dang gsum du mdzad nas/ dang po la slob ma smin byed kyi rig pa'i dbang lnga bskur ma thag slob dpon gyis dbang byed pa 'di dbang chu chen mo dang 'gal ba ma yin mod/ khyed kyis 'gal bar go nas de'i dgongs pa bzhin byed na/ rjes 'dzin gyi tshe lus longs spyod gang yod mi 'bul na rjes 'dzin mi byed/ tshe 'di don du gnyer na slob ma sta gon mi byed/ sems ma bskyed pa dang ye shes ma phebs pa dkyil 'khor du mi 'jug pa sogs khungs thub kyi bshad tshod thams cad khyed kyis phyag len du khel ba yod dam/ yod na mngon sum dang 'gal/ med na ma bshad pa thams cad nan gyis byed dam zhes gsungs/ gnyis pa la/ slob dpon gyi dbang bskur tshul 'di cis kyang byed dgos pa grub mtha' la ma byas pas/ dam bca' med pa la lung 'gal brjod pa mkhas pa'i lugs min/ spyir btang la slob dpon gyi dbang don du mi gnyer ba dag bkye dgos par bshad kyang / nged kyi bla ma'i dbang gral du de 'dra ma byung / don du gnyer bzhin phud na dgag bya cir 'gyur/ dgos pa ni ma mtha' mtshan brjod kyi lung tsam zhig len pa la'ang slob dpon gyi dbang mi dgos sam/ slob ma nyer lnga po thams cad dbang de don du gnyer mnyam la 'ga' zhig smad de phud na/ slob mas slob dpon la khong khro sogs kyis dgag bya cir 'gyur/ slob dpon 'phrin las chung ngu dag