[A:63b]yis/ /slob ma dam pa snying rje can/ /sngags dang rgyud rnams 'dzin pa po/ /gcig ni nan tan bskyed de bzung / /slob ma re re la dbang bzhi cig car ram rim can du bskur bar bya ba yin pas gzhan bkye la/ ji skad du bshad pa'i dbang stegs kyi steng du slob ma'i gtso bor gyur pa sngar dngos grub kyi rdo rje brtul zhugs kyi skabs su bstan pa'i rdo rje sems dpa'i phyag rgya chen pos bzhag la dbang bskur bar bya'o zhes dang / khyad par du man ngag lugs kyi dbang chu chen mo las/ slob dpon dbang gi gsol btab kyi rjes su/ de nas slob ma gcig dbang stegs kyi steng du bzhag la rdo rje 'chang chen po'i rnam par bsam zhes pa dang / su pra tiShThas me tog gtor ba'i rjes su/ de ltar slob ma re re nas rdzogs pa dang / slob ma rnams la dus gcig tu de kho na nyid bstan par bya ste zhes gsungs pa rnams ma mthong ngam ci/ gang bkag pa de nan gyis sgrub pa la brtson par byed par zad do zhes gsungs nas/ ngor pa dag nyer lnga po thams cad la rdo rje slob dpon gyis dbang dus gcig tu bskur ba'i phyag len mdzad pa la rgol bar mdzad do/ /rgol ba'i gsung bkod pa 'di la rnam thar sgo brgyad pa sogs su snying po blangs nas bkod pas gong gi de dang tshig rigs mi mthun pa re 'byung yang / 'dir ni chu rgyun bzhi pa rang las ji skad 'byung ba bzhin bkod pa yin la/ de ltar mus srad pa chen pos brgal zhing brtags pa de'i lan du/ paN chen rin po che'i rnam thar sgo brgyad par tshogs pa la rdo rje slob dpon gyis dbang bskur ba nyes can yin na kun gyis sel dgos par bstan pa