[A:64b]gis re re nas dbang stegs la 'god par nus kyang / 'phrin las rlabs po che dag la dgos pa gzhan du ma 'byung ngo gsungs/ gsum pa la/ bod 'dir thun mong gi dbang drug po tsam thob pa rnams kyis bla med kyi rgyud mtha' dag nyan rung pas/ slob dpon gyi dbang gi snod du'ang rung / 'o na bla med kyi rgyud nyan pa la slob dpon gyi dbang mi dgos sam zhe na/ bla med rigs drug gi rgyud dngos su nyan pa dang lta ba la lha dang dkyil 'khor sogs kyi de kho na nyid shes dgos/ des na 'phags yul lta bu na rgyud sde bzhi'i gdul bya so sor nges pa dang / bla med kyi gdul bya la'ang dbang gong ma don du gnyer mi gnyer so sor nges pa yod pas/ de dag la dkyil 'khor la 'jug pa tsam dang / slob ma'i dbang tsam dang / bum dbang tsam bskur nas 'gyes mi 'gyes kyi dbye ba yod kyi/ rdo rje'i rigs can gcig tu gyur pa la de ltar med do/ /de'i tshe re re nas byas pa'i dgos pa dbang stegs kyi dkyil 'khor gcig las med pas de'i don dang / de kho na nyid 'chad pa'i tshe dbang stegs la 'jog mi dgos pas thams cad bkug pa yin gyi/ dgos pa gzhan med la/ 'o na rdo rje theg pa'i snod rung thams cad de'i slob dpon gyi 'os su nges sam zhe na/ slob dpon gyi dbang la dgos pa gnyis te/ bskyed rim gyi dbang du byas pa'i rgyud mtha' dag la thos bsam sgom gsum byed pa'i don dang / de'i 'og tu chos 'chad pa dang / bgegs gzhom pa dang / dbang gong ma la 'jug pa'i don no/ /dang po de slob dpon gyi dbang dngos tsam gyis 'grub/ gnyis pa de dag