[A:65a]la chos 'chad pa'i rjes gnang la sogs pa dgos so/ de'i phyir na slob ma dang slob dpon gyi dbang mtshan mo gcig la bskur ba'i phyag len byas pas 'ga' zhig gi bsam pa la slob gnyer dang bsnyen sgrub byed ma dgos par rdo rje slob dpon du song byung ngo snyam pa'i dwogs pa de'ang khegs so/ /rdzogs rim gyi chos 'chad pa'i slob dpon du 'gro ba la ni dbang gong ma thob dgos shing / de'ang dbang rnon la dbang bzhi cig car du bskur bas chog kyang / dbang chu las ni rtul 'bring gi dbang du mdzad do zhes gsungs/ yang tshar chen gyis rdo rje'i 'khrul 'khor gyi zegs ma las/ smra ba bzhi pa slob dpon gyi dbang la grangs nges med pa'i sgrub byed dus gcig la nyer lnga la bskur ba'i phyir zer bar snang ba/ de ltar na slob dpon gyi dbang la grangs nges yod par thal/ dus gcig la nyer lnga las lhag pa la mi bskur ba'i phyir/ khyab pa tshad grub/ rtags gsal dngos/ 'khor gsum/ slob dpon gyi dbang la dbang stegs kyi steng du gcig bsgrengs su bzhag nas bskur dgos snyam na/ ngor pa yang dbang stegs gcig gi steng du slob ma gnyis gsum la sogs pa dus gcig tu 'jog par mi bzhed cing / dkyus ma la lag len bde ba'i dbang du byas nas so sor ting nge 'dzin gyi dbang stegs bskyed pa la bzhag nas slob dpon gyi dbang bskur bar mdzad la rgyas par na spyi rgyud las/ bla mas slob ma gcig pu ni/ /dkyil 'khor dag tu dbang bskur bya/ /mkhas pas cig car slob ma gnyis/ /dbang bskur bar ni yongs mi bya/ /gnyis sam