[A:74a]dang / /zhes pa'i rgyas bshad dam 'grel pa'i tshul du/ kha cig lus dkyil gyi pho brang lnga'i aM la sogs pa'i yi ge rnams lha rin 'byung la sogs pa'i sa bon du bzhag nas skyed par byed pa mi 'thad de/ de ltar na bcos ma'i dkyil 'khor du thal ba'i phyir dang / haM dang hU~M lta bu sa bon mgo thur bstan du mi rung ba'i phyir zhes bkag nas/ ngag 'don gyi tshe aM rin chen 'byung ldan zhes sogs sbyar nas 'byung khungs kyi tshig mtha' dag med par byed do/ /'di ni mi 'thad de/ rje btsun rtse mo'i lus dkyil lung dang sbyar bar le'u gnyis pa'i skabs su/ bhrUM la sogs pa ni pho brang lnga'i lha rnams kyi sa bon te zhes gsal bar gsungs pa dang / gzhung bshad mtha' dag gi grangs bgrangs nas/ de thams cad las aM las dang / ha~M las zhes sogs 'byung khungs kyi tshig bshad pa dang / khyad par dpe mdzod ma dang / sga theng ma gnyis su rtsa nang gi khams las yab dang / phyi shun gyi rtsa las yum bskyed par bshad pa dang / gnyags ma'i gsal byed lus dkyil gyi ye ger yang / /de las lte bar aM las bcom ldan 'das yon tan rnam par dag pa rin chen 'byung ldan zhes lan cig ma yin pa yang yang gsungs pa la de ltar du smras nus pa ya mtshan no zhes rgol bar mdzad do/ /de'i lan du paN chen rin po ches rnam thar sgo brgyad par nges don gyi go ba ma chags na phyogs gnyis ka nges med du bstan/ nges don gyi go ba zur tsam bstan pa dang don tshan gnyis su mdzad nas/ dang po la/ las nyon gyi rnam smin du gyur pa'i rtsa khams nyid sangs