[A:77a]'debs su 'gro/ des na bhrUM sogs rigs lnga'i sa bon du bshad pas lus dkyil gyi lha sa bon las bskyed dgos na/ rnam bshad nyi 'od las bhrUM sogs rigs lnga'i bdag nyid du bshad pas de dag de rnams kyi ngo bo'am bdag nyid du 'gyur la/ de ni khyed la 'gal te pho brang lnga'i dbus kyi yig 'bru rnams rigs lnga'i ngo bo las gzhan pa'i sa bon du khyod kyis khas blangs pa'i phyir ro/ /des na slob dpon rin po che'i gsung gi don pho brang lnga'i gtso bo rnams sa bon las bskyed pa'i tshe bhrUM sogs las bskyed/ lus dkyil gyi tshe tsaNDa lI dang mthun pa'i yi ge rnams lus dkyil gyi lhar bsgom zhes pa'i don gnyis ka tshig nyung ngus bstan pa yin pas rang gis mthong ba de kho na yin gyi/ gzhan ni gti mug go snyam pa'i phyogs re ba'i blo de dor na legs par mngon no zhes gsungs shing / don bsdus don brgyad pa las kyang / lus dkyil lha rnams bskyed pa'i gzhi/ /aM las zhes sogs 'byung khungs kyi/ /tshig tu 'dod na gzhan dag las/ /sangs rgyas las chos chos las ni/ /'phags pa'i tshogs zhes gang gsungs pa/ /'di 'dra'i rigs la 'byung khungs kyi/ /tshig ces mkhas pa rnams la grags/ /khyed kyang de ltar 'dod na ni/ /aM las byung zhing aM yig las/ /logs su gyur pa'i rin 'byung zhig /sprul 'khor dbus su 'dod dgos par/ /snga ma de yi rigs pas grub/ /de 'dra khyed cag bzhed lags sam/ /zhes dang / rje btsun rtse mo'i lung sbyor gyi/ /tshig des lus dkyil sa bon las/ /bskyed par grub na bhrUMaM