[A:78b]tshul la'ang dpyad gzhi yod/ /yi ger skyon snyam re zhig bzhag /ngor pa chen po'i bir srung du/ /rang nyid birWar bsgom pa la/ /pho brang lha lnga'i sa bon bsam/ /zhes 'di'ang skyog bshad ma byed cig /ces gsungs shing / sgyi chu ba buddha shrI'i nor bu'i phreng bar tshangs pa'i rig sngags kyi bzhed pa rags rim bkod pa'i rjes su/ aM las logs su gyur pa'i rin 'byung sprul 'khor gyi dbus su sgom dgos par 'gyur te aM las byung ba'i rin 'byung aM nyid las logs su gyur pa zhig 'dod dgos pa'i phyir/ 'khor gsum/ aM las logs su gyur pa'i rin 'byung khas blangs dgos par 'gyur te sangs rgyas las logs su gyur pa'i chos khas blangs pa'i phyir te/ sangs rgyas las byung ba'i chos sangs rgyas nyid las logs su khas blangs pa'i phyir/ bhrUM la sogs pa pho brang lnga'i sa bon yin par bstan na/ sa bon las mi bskyed pa ci/ sa bon gyi don gang / rig pa'i dbang lnga'i tshe'ang sa bon las bskyed pa'i don min zhes pa blo gros kyi 'char sgo ya mtshan che/ dang po'i las can la cig shos 'khrul gzhi chung zhes pa/ rje btsun gong ma rnams kyis brtan pa thob pa'i gang zag 'ba' zhig gi ngag 'don du gsungs pa lags sam/ ma mkhyen pa gang lags/ las zhes pa'i 'byung tshig smos pas ngan par 'gyur du dogs na/ gtum mo'i aM las me 'byung ba dang / spyi bo'i haM las byang sems 'bab pa rnams la ji ltar chos lags/ bsam mno thong la smros shig ces gsungs la/ mkhas pa gong ma'i gsungs de dag las/ paN chen rin po ches rten dkyil 'khor