[A:79a]bzhi grub pa na sku bzhi rang bzhin lhun grub tu 'byung ba'i rang bzhin lhun grub kyi sku bzhi po de rten lus kyi dkyil 'khor bzhi'i chos nyid la bshad pa 'di ji ltar yin dpyad par bya zhing / ngor rdzong gnyis po lus dkyil gyi tshe ngag 'don la aM las zhes pa dang / aM rin chen 'byung ldan zhes pa tsam gyi khyad par ma gtogs sgom don la khyad par ma byung bas rnam dbye ha cang 'gal ba bya rgyu mi snang la/ 'on kyang aM las logs su gyur pa'i rin 'byung yod med kyi rnam gzhag la/ bdag nyid chen po sa paN gyis/ thub pas 'jig rten mthun 'jug la/ /dgongs nas phyi rol don du gsungs/ /tha snyad dpyod pa'i rigs pa la/ /dgongs nas chos rnams sems su gsungs/ /dam pa'i don la dgongs nas ni/ /chos kun spros pa bral zhes gsungs/ /zhes pa dang / de'i don kun mkhyen chen pos bdud rtsi spel bar/ 'on kyang 'di la sa paN gyis gsung rab 'chad pa la 'jug tshul la/ tha snyad khas ni ma blangs par/ /nged cag 'chad par mi byed do/ /zhes par ltar tha snyad khas blangs pa 'jig rten mthun 'jug gi skabs dang / tha snyad dpyod pa'i rigs pa'i skabs dang / don dam dpyod pa'i rigs pa'i skabs gsum gsungs pa bla med 'chad tshul la sbyar na/ skabs dang po'i tshe snang ba lha yin par khas mi blangs te 'di ni sems can yin/ 'di ni sangs rgyas yin/ 'di ni bum pa yin/ 'di ni snam bu yin zhes sogs rnam gzhag so sor phye ba'i skabs yin pa'i phyir ro/ /gnyis pa'i tshe phung po lnga sangs rgyas lnga yin pa sogs snang ba thams