[A:93a]'phags pa kho na la yod pas/ 'jig rten pa'i lam du dbang dang tshogs 'khor mtshan nyid pa med par khyod khas longs shig yang khyod nyams su len pa'i lam de lam mtshan nyid pa dang rjes mthun pa gang yin sogs gong ltar sbyar na'ang mtshungs so/ /gal te phyag rgya la brten pa mtshungs na'ang sha chang sogs rab byung gi spang bya yin pas mi rung snyam na/ 'o na mda' gzhu dang ral gri sogs rab byung gis spang bya yin pas dbang rdzas su mi rung bar rnam pa kun du mtshungs so zhes sogs dang / yang rje rdo rje 'chang gis chen po chos rin gyi dri lan tshangs pa'i rigs sngags su bkod pa las/ gnyis pa ltar na rang rgyud la ye shes rgyas pa'i thabs su tshogs 'khor lkog tu bya ba dang / gdul bya gzhan ma dad pa bzlog pa'i phyir dngos su byed pa gnyis las ma 'das zhes gsungs pa la/ de ni ma brtags pa de/ 'chi ba'i tshe'am mu ge'am zhes sogs ma mthong bar zad do zhes dang / yang tshangs pa'i rigs sngags su klu sgrub sogs rtsa ltung can du thal ba'i lan du/ 'khrul spong gi ltung ba'i ngo bo nyid rnam par gzhag pa ni zhes sogs drangs nas/ de ltar gsungs na khyod kyis klu sgrub sogs rtsa ltung can du sgrubs shig yang na lung de chos rje pas ma gzigs pa'am zhal gyis mi bzhes pa'am/ rnal 'byor dbang phyug gi man ngag min par khas longs shig gsungs/ yang tshangs pa'i rigs sngags su tshogs 'khor rnal 'byor pas bya dgos pa'i lung zhes sogs kyi lan du/ lung khungs de khyed rang gis drangs pa bzhin bshad na/ lung dang po'i