[A:92b]gsungs/ /des na zhib tu ma bltas par/ /rbad gcod sngas na rang nyid 'bebs/ /rigs pa tshogs 'khor mchog dbang mtshungs/ /de phyir rgyu lam mtshan nyid pa/ /rab byung nyams len mi 'dod dam/ /gal te sha chang dngos su yin/ /mchog dbang ting 'dzin dkyil 'khor phyir/ /mtshungs min snyam na dge slong la/ /sa brko me reg la sogs dang / /dbang dus gzhu sogs 'gog gam ci/ /dgongs pa gtso phyir de mthong tshe/ /nyes med ces ni rje btsun bzhed/ /ces sogs dang / dus 'khor bde mchog gsal lo zhes/ /snyan brgyud 'gog pa'i zur za yin/ /zhes sogs rgyas par gsungs la/ sgyi chu ba buddha shrI'i nor bu'i phreng bar/ khyed kyi dbang de dbang mtshan nyid pa yin nam rjes mthun pa yin/ dang po ltar na rab byung gis dbang mtshan nyid pa byar mi rung ste/ dbang mtshan nyid pa dang rje mthun par 'jog pa ni las rgya'am tshim pa drug pa dngos su byar yod med kyis phye ba yin zhes sogs tshangs pa'i rigs sngags su gsungs pa de dbang la sbyar nas gsungs te da ci gsungs/ /tshim pa drug pa'i thad kyis bshad pa dang / dbang gong ma'i thad kyis bshad pa rnams ci'i phyir mi mtshungs/ yang na dbang mtshan nyid pa med par khas longs shig dbang la de gnyis kyi tha snyad gong mas ma bshad snyam na/ tshogs 'khor la de 'dra'i tha snyad gang du bshad smros shig da lta de 'dra'i dbang mdzad pa med kyang ye shes kyi phyag rgya la brten pas go chod do zhe na/ tshogs 'khor la ci phyir mi mtshungs/ gzhan yang rdzogs rim gyi ye shes dngos su rtogs pa