[A:93b]don 'dir zhes pa rdo rje theg pa'i dkyil 'khor zhes ston/ byis pa rnams kyis zhes pa so skye ste spyir bstan/ 'o na skye bo kun gyis rung ngam snyam na dbang thob cing dam tshig dang ldan pa'i rnal 'byor pa rnams kyis rung gi de ma yin pa'i tha mal pa rnams kyis ni ma yin no zhes ston gyis/ mdor na dbang thob dam ldan gyi lha'i rnal 'byor la gnas pa zhig gis ji skad bshad pa'i tshogs rdzas bsten rung bar bstan/ gang dag gi sngags kyi stobs kyis sam brtan pa thob pa'i gang zag gis tshogs 'khor bya tshul dang / sbyangs rtogs sbar gsum gyi tshul rnams rgyas par bstan no/ /lung phyi ma'i don ni tshogs 'khor gyi tshul rnams gsang zhing sba ba dang / gsang spyod bag yangs su mi 'gyur ba'i phyir gang thod du bya ba bkag pa yin te/ dge slong rnams la zhes sogs ni dngos su dgongs la/ de min na dge slong sngags kyi rnal 'byor pa mchog tu gsungs pa sogs mi 'grig pa du ma yod pa'i phyir/ gzhan du dbang bzhi dang lam bzhi sogs nyams len yin pa dgag byar thal/ gsang ba shes rab dbang bskur ni/ /tshangs par spyod pas blang mi bya/ /zhes sogs gsungs pa'i phyir zhes dang / de'i rjes su des na bshad par bya ste/ rje btsun chen pos/ de las sangs rgyas thob pa'i rgyu/ /bsod nams ye shes tshogs yin te/ /zhes sogs dang / gzhan tshogs rdzas ngos 'dzin pa'i lung dang / tshogs 'khor gyi phan yon ston pa'i lung sogs kha yar zhig drangs pa'i mthar zhes rab tu myos pa'i chang mi btung / chags sdang gi gtam mi bya/ kha drag dang rtsod pa mi byed ces