[A:94a]gsungs na sbyangs rtogs sbar gsum nus pa'i rnal 'byor pa la bslab bya de 'dra ci dgos te khyad par gyi dam tshig snub par byed pa'i than skad yin no/ gzhan yang lam 'dir zhugs pa'i rab byung sogs kyis 'di nas bshad pa'i tshogs 'khor bya rung ste/ 'di nas gsungs pa'i rnal 'byor pa yin pa'i phyir zhes sogs rgyas par gsungs pa yin no/ /de ltar na ngor rdzong gnyis po bza' ba'i dam tshig tshogs 'khor gyi rnam gzhag la brgal lan gyi spros pa so so nas shin tu che yang / don gyi snying po ni rdzong lugs pa dag ljon shing dang chos rje pa'i tshogs 'khor gyi yi ge gnyis char las tshogs 'khor la dbye sgo mang du gsungs pa rnams tshogs 'khor mtshan nyid pa rang du bzhed cing / de'i rgyu mtshan gyis tshogs 'khor la tshim pa drug dngos su med kyang / ye shes kyi phyag rgya'am dpa' mo la brten pas chog cing / tshogs 'khor mtshan nyid pa dang rjes su mthun pa'i tha snyad rje btsun gong mas bshad pa med/ rab byung gis bya ba'i tshogs 'khor dang rnal 'byor pas bya ba'i tshogs 'khor gnyis su gsungs pa'i dang po de gzhan lugs dang / sa skya pa rang lugs thun mong ma yin pa ni/ chos rje'i bshad tshul phyi ma rnal 'byor pas bya ba'i tshogs 'khor gyi rnam gzhag 'di yin/ des na ngor lugs ni dus khyad par can la dpa' bo'i ston mo tsam yang mi byed pas khyad par can gyi bza' ba'i dam tshig med par 'gyur ro zhes gsungs par snang ngo / /ngor lugs pa rnams khu dbon gnyis kyis tshogs 'khor gyi dbye bar bshad pa de dag ming gi rnam grangs tsam