[A:110b]tshad mar mi 'grub na ha cang thal la rje btsun gyis gdan sogs kyi yi ger pho brang lnga'am drug gi dbus ma de sangs rgyas dang rig ma'i gdan zhes gsungs pas pho brang drug pa la gnyug ma dran gsal gyi lugs 'dres zer ba rje btsun bkag par song zhing / rje btsun gyis gsung de'i gsal byed du yi ge 'di med na pho brang drug gi bsgom tshul yang mi shes par 'gyur bas khyed dag yi ge 'dir bstan pa'i zab gnad las ring du gyur pa'o zhes gsungs so/ /de'i lan du glo bo mkhan chen rin po ches tshig don mun sel du/ sa paN gyis mdzad pa'i khrid kyi dkar chag ni rje a nanda'i gsung rab gang na'ang the tshom gyi dpyad gzhi mdzad pa cung zad kyang med/ zin bris 'ga' zhig tu dpyad gzhi byas pa yod kyang de dag la blo gtad thub pa ci yang med/ sgo rum dpe khang na bzhugs pa'i sa pan gyi bka' 'bum rgya shog la bris pa'i gser rkyang ma rnying ba zhig yod pa de dang / 'phags pa'i thugs dam bzhi thog na bzhugs pa'i gser ma la'ang 'di nyid bzhugs la/ gdung brgyud rtse gdong pa rnams kyi bka' 'bum gser dngul ma rnying pa la'ang 'di nyid bzhugs shing / rje btsun A nanda'i gsan yig rgya mtshor khrid kyi dkar chag gi brgyud pa ni zhes gsungs shing / bla ma brgyud pa rnams kyang 'dren par mdzad de lan gsungs so/ yang thams cad mkhyen pa dkon mchog lhun grub kyi gsung ngag 'chad thabs kyi man ngag gsang ba sgo 'byed las 'phros pa'i dris lan zab don snying po las/ rje sa paN gyi khrid kyi dkar chag ces pa brda don gsal ba'i khrid yig la ngos 'dzin par mdzad na