[A:18b]rgyud kyi dbang skur la/ /slob ma grangs nges med par gsungs/ /lhag ma dmigs bsal mdzad pa yi/ /slob ma la ni grangs nges yod/ /de skad gsungs ba'i lung don dang / /ljon shing las kyang spyi rgyud las/ /zhal 'phangs mdzad phyir khu dbon gsum/ /dgongs pa mthun pas skyogs bshad dor/ /bla med rjes 'dzin ston pa'i skabs/ /spyod rgyud lung 'dren sgrub byed kyis/ phongs pa'i cal col yin par nges/ /rtsa rgyud TIka snga rting gi /dkar chags med phyir 'phags pa'i min/ /gzugs brnyan sogs don logs su ni/ /rjes 'dzin byas na'ang 'gal ba ci/ /gzhan phan bdud rtsir gshin po la/ /rjes 'dzin bshad pa med snyam na/ /zhib par dbang chur zhal 'phangs phyir/ /mi 'gal yang na dmigs gsal 'dod/ /dngos gzhi grangs nges dgos na yang / /sta gon brgya phrag thun mong du/ /byas kyang 'gal med thal ba sogs/ /slob dpon dbang gi rim pa ltar/ /dngos gzhi grangs nges dgos na yang / /rjes 'dzin thun mong chog pa sogs/ /rang la'ang mtshungs pas grub mtha' 'jig /mtha' gcig sta gon dngos gzhi'i grangs/ /nges na de gnyis gtso bo'i phyir/ /rjes 'dzin grangs nges med pa sogs/ /gong gi rigs pa mtshungs pa yin/ /srod kyi dus su sta gon sogs/ /byed na cho ga nyams mi 'gyur/ /mi byed dbang bskur byin rlabs med/ /'phrin las che 'dod dka' bar gnas/ /spyi rgyud rjes 'dzin 'chad pa'i skabs/ /grangs nges dmigs bsal mi 'dod dang / /rtsa rgyud TIkkar grangs nges yod/ /rjes 'dzin