[A:27b]dbang gi rjes la bya ba yin pa'i phyir/ de'i dbang bskur tshul dang dkyil 'khor bsgrub tshul rnams dbang snga ma de bzhin du bya bar gsungs pas snga phyi rim can du bstan pa'i phyir/ gzhan du na/ bsgrub pa'i dkyil 'khor dbang bskur bya/ /zhes pa'i 'phros las/ dbang bskur ba yi cho ga dang / /bsgrub pa'i cho ga'ang de bzhin bya/ /zhes gsungs pa'i don ji ltar 'chad de/ de bzhin snyeg mtshams dgos so zhes pa dang / bla mas slob ma gcig pu ni/ /dkyil 'khor dag tu dbang bskur bya/ /zhes pa nas/ thams cad so so so sor bya/ /zhes pa'i don ni spyir btang dbang phal cher la de ltar du ma nges kyang / bya rgyud rang lugs kyi dbang 'ga' zhig bskur ba na slob ma gnyis sam gsum sogs su yod pa la dkyil 'khor bsgrub pa'ang lan grangs de bzhin du bya zhing / slob ma'ang dang por gcig kho na la dbang bskur/ de nas yang mchod pa'i yo byed sogs gsar pa bshams nas cig shos la bskur ba sogs slob ma ji tsam yod pa ma rdzogs kyi bar du de ltar bya ba'i phyag len 'ga' zhig yod pa bstan te/ spyi rgyud nyid las/ slob ma re re nas bkug ste/ /bsang gtor snga ma bzhin byas la/ /zhes dang / slob ma gcig nas bkug nas ni/ /cho ga bzhin du yon phul te/ /cho ga shes par bsang gtor bya/ /zhes gsungs pa'i phyir zhes 'byung ngo / /yang paN chen rin po ches rjes 'dzin gyi slob ma dngos gzhi la slebs nges pa'i dbang du byas nas gzugs brnyan bcug pa yin gsung ba ni/ rgyud tshig de dag gi don la thugs g.yel bar zad do zhes bdag gi bla