[A:27a]yongs mi bya/ /gsum mam gnyis sam bzhi yang rung / /bla mas dbang bskur byas na ni/ /yo byad gsar pa gzhan rnams kyis/ /thams cad so so so sor bya/ /rigs lnga'i dbang ni thob pa la/ /bsgrub pa'i dkyil 'khor dbang bskur bya/ /dbang bskur pa yi cho ga dang / /bsgrub pa'i cho ga de bzhin bya/ /zhes gsungs pa la 'khrul pa 'dra/ gzhan slob ma gnyis dang bzhi dkyil 'khor du 'jug pa ston pa'i tshig rgyud der med/ lung de'i don ni sta gon dang 'jug pa dang / chu dang cod paN gyi dbang rnams gcig nas nyi shu rtsa lnga'i bar zung du ma gyur pa la cig car byas nas bsgrub pa'i dkyil 'khor gyi dbang bskur bya ba'i tshe slob ma gcig kho na la bya ba yin gyis/ gnyis dang gsum dang bzhi la sogs pa cig car mi rung bar rgyud der gsal bar gsungs la/ gal te du ma la bya dgos na yo byad gsar pa sbyar nas re re bzhin so sor bya bar gsungs bzhin du/ de'i don gnyis dang bzhi la sogs pa slob ma zung du gyur pa cig car 'jug pa la 'chad pa ni blo gros rtsing pa yin zhes gsung ba tsam mdzad/ drangs ma thag pa'i spyi rgyud kyi lung de'i don la mkhan chen thams cad mkhyen pa'i gsung las/ bla mas slob ma gcig pu ni/ /dkyil 'khor dag tu dbang bskur bya/ /zhes pa nas/ thams cad so so so sor bya/ /zhes pa'i bar gyis bstan pa'i dbang dang / bsgrub pa'i dkyil 'khor dbang bskur bya/ /zhes pa'i dbang gnyis mi gcig ste bsgrub pa'i dkyil 'khor gyi dbang ni/ thams cad so so so sor bya/ /zhes pa'i