[A:༡༠༢]གཉིས་ལས། ཆེ་བའི་སྲས་སློབ་དཔོན་བསོད་ནམས་འབུམ། ཆུང་བའི་སྲས་བླ་ཆེན་བསོད་ནམས་བློ་གྲོས། གཞོན་ནུ་ལ་གཤེགས་པ་གཅིག་དབང་གྲགས་པ་རྒྱལ་མཚན། འདི་ལ་ཇོ་མོ་གཉིས་ལས། དང་པོ་ལ་ཀུན་དགའ་ལེགས་པའི་བློ་གྲོས་དང་། དབང་རྣམ་སྲས་རྒྱལ་མཚན་གཉིས་འཁྲུངས། གཉིས་པ་ལ་ཆོས་ཀྱི་རྒྱལ་མཚན་འཁྲུངས། དབང་རྣམ་སྲས་པར་ཇོ་མོ་གཉིས་ལས། དང་པོའི་སྲས་ཀུན་དགའ་བློ་གྲོས། གཉིས་པ་ལ་དབང་ནམ་མཁའ་ལེགས་པ་དང་ལྕམ་ལྔ་འཁྲུངས། ནམ་མཁའ་ལེགས་པ་ལ་ཇོ་མོ་གཉིས་ལས། དང་པོ་ལ་ལྕམ་གཉིས། གཉིས་པ་ལ་དབང་ནམ་མཁའ་རྒྱལ་མཚན། དེ་ལ་ཇོ་མོ་གསུམ་ལས། དང་པོ་ལ་ལྕམ་གཅིག་གཉིས་པ་ལ་ནམ་མཁའ་རིན་ཅེན། གསུམ་པ་ལ་ནམ་མཁའ་བཀྲ་ཤིས། དེའི་སྲས་ས་ལོ་ཐམས་ཅད་མཁྱེན་པ། བདག་ཆེན་ངག་གི་དབང་ཕྱུག་འཇམ་དཔལ་གྲགས། ནམ་མཁའ་དོན་གྲུབ། དེའི་སྲས་ཀུན་དགའ་བསམ་གྲུབ་དང་སྔགས་འཆང་ཆེན་པོ་ཀུན་དགའ་རིན་ཅེན། སྔ་མའི་སྲས་བདག་ཆེན་ཀུན་དགའ་བདེ་ལེགས། དེའི་སྲས་བསོད་ནམས་ལྷུན་གྲུབ། ཀུན་དགའ་ལྷུན་གྲུབ། འཇིག་རྟེན་དབང་ཕྱུག་དེའི་སྲས་བསོད་ནམས་བློ་གྲོས། བྱམས་པ་བསོད་ནམས་ལྷུན་གྲུབ། ངག་དབང་བསོད་ནམས་ལྷུན་གྲུབ་རྣམས་འཁྲུངས། ཀུན་དགའ་རིན་ཅེན་ལ་ཇོ་མོ་གསུམ་ལས། དང་པོ་ལ་ལྕམ་གཉིས། གཉིས་པ་ལ་ངག་དབང་བསོད་ནམས་དབང་པོ། ལྕམ་གསུམ། གསུམ་པ་ལ་གྲགས་པ་བློ་གྲོས། དེ་ལ་སྲས་ལྕམ་སྲིང་དྲུག་ལས། སྲས་བགྲེས་པ་གཉིས་གཞོན་ནུ་ནས་གཤེགས། དེ་འོག་ཀུན་དགའ་དབང་རྒྱལ། མཐུ་སྟོབས་དབང་ཕྱུག་ངག་དབང་ཀུན་དགའ་བསོད་ནམས་གསུམ་འཁྲུངས་ཏེ། འཁོན་ས་སྐྱ་པའི་གདུང་བརྒྱུད་རིན་པོ་ཆེ་དང་། མདོ་རྒྱུད་ཀྱི་བསྟན་པ་ནི་དེང་སང་གི་བར་དུ་གནས་པ་ཡིན་ནའང་། སྲིད་ཀྱི་སྟོབས་འབྱོར་ཕུན་སུམ་ཚོགས་པ་ནི། འགྲོ་མགོན་ཆོས་རྒྱལ་འཕགས་པ་ནས། འགྲོ་མགོན་བསོད་ནམས་པའི་བར་དུ་ལུང་གི་བསྐོས་པའི་དཔོན་ཆེན་