[A:༡༥༨] སྨྲས་པ།
རྨད་བྱུང་རླངས་ཀྱི་གསེར་སྐྱོགས་ཀྱིས་བཅུས་ལྷ་རིགས་བདུད་རྩིའི་ཟིལ་དངར་ཅན༎
མཐོ་རིས་ཡོན་ཏན་བདུན་གྱི་མངའ་འབྱོར་ཡུལ་དབུས་སྨན་ལྗོངས་ཡོལ་གོའི་ནང་༎
འཕྱུར་བུར་གཏམ་པའི་རིན་ཅེན་གདུང་བརྒྱུད་ཆོས་སྲིད་བླ་ན་དངར་བའི་རོ༎
གངས་ཅན་ལྗོངས་འདིའི་སྐྱེ་རྒུ་མེ་ཞལ་ཡོངས་ཀྱི་དགའ་སྟོན་ཨེ་མ་མཚར༎
སྐྱེ་བས་ཐོབ་པའི་རིགས་གཟུགས་ཆུ་ནང་ཟླའི༎
སྡེ་གསུམ་གཅིག་ཏུ་དཀར་བའི་བསིལ་ཟེར་གྱིས༎
ནམ་མཁའི་རི་བོང་ཅན་དེ་ཕམ་མོ་ཞེས༎
ཆུ་འཛིན་ལང་ལོང་འཁྲིགས་པས་སྒྲིབ་སྙམ་བྱེད༎
གནམ་བསྐོས་རྒྱལ་སྲིད་སཱ་ལའི་སྡོང་པོ་ལ༎
ལས་ཀས་མངོན་མཐོའི་སྟོབས་ལྡན་ཡལ་གའི་ཚོགས༎
སྲིད་འབྱོར་ལོ་མའི་ཕང་ཕུང་གཡོ་བཞིན་དུ༎
ལེགས་བྱས་འབྲས་བུའི་འདོད་འཇོ་དཔྱིད་དུ་དར༎
དེ་ལྟར་གོང་མ་སྡེ་སྲིད་ཀྱི་བཀའ་ཁྲིམས་ཀྱི་ཤིང་རྟ་ཆེན་པོའི་ཁ་ལོ་པ་རྣམས་ལས།
༈ རིན་སྤུངས་ནི། སྔོན་བོད་རྗེ་ཤ་ཁྲི་བཙན་པོའི་དུས་མ་སངས་ལ་