[A:༡༧༣]འཇམ་དཔལ་ཚེ་རིང་། བདུད་འདུལ་རྒྱལ་པོ། མ་ཞིག་པ། བསོད་ནམས་རྒྱལ་པོ། ལྕམ་གཉིས་དང་དྲུག་ལས། འཇམ་དཔལ་བའི་ཇོ་མོར་ཡར་རྒྱབ་ནས་ཚེ་རིང་དཔལ་འཛོམ་བླངས་པར། སྲས་ཚེ་བརྟན་རྡོ་རྗེས་རྫོང་དཔོན་གྱི་ལས་ཀ་བཟུང་། ཆབ་སྲིད་བསྐྱངས་སོ༎
༈ གཞིས་ཀ་སྣེལ་པ་ནི། ཆེན་པོ་རིན་ཅེན་བཟང་པོས་གོང་མ་སི་ཏུའི་ཞབས་ལ་གཏུགས། ས་སྐྱར་དམག་ལ་འབྱོན་སྐབས། སི་ཏུས་ཕག་གྲུའི་ཁྲི་དམག་རྣམས་ཀྱིས་ཆེན་པོ་ལ་ཕྱག་འཚལ་དགོས་པ་སོགས་གསུངས་ནས་དཔོན་ཚབ་ཏུ་བསྐོས། དུས་དེར་དཔོན་ཆེན་བཟུང་བ་སོགས་ཇུས་ཀྱི་འགྲོ་ཁྱབ་ཆེ་བ་བྱུང་། ས་སྐྱ་པ་དང་ཧོར་རྒྱལ་པོ་མཆོད་ཡོན་དུ་འབྲེལ་བའི་དུས་ཀྱི་ནོར་སྣ་ཁྱད་འཕགས་རྣམས་དབུས་སུ་དྲངས། དཔོན་ཆེན་རྣམས་ཀྱིས་གཙོས་པའི་གཞན་སྡེ་རྣམས་ལ་ཁྲིམས་ར་ཉི་མ་བཅུ་གསུམ་བསྒྱུར་ཅིང་བྱ་ཁྲ་མའི་སྟེང་དུ་མི་ལྔ་བརྒྱ་ཙམ་ཁྲིམས་ལ་སྦྱར་བའི་དྲག་ཤུལ་གྱིས་འབོད་གྲོགས་ཀྱང་འདར། སྐམ་པོ་གྲོང་དུ་སྒེར་གཞིས་ཀྱི་མཁར་ལས་མཛད། བྱ་སར་སྒེར་གྲུ་བཙུགས། ཡོན་བདག་བློ་བདེའི་སྲས་མོ་བདེ་སྐྱིད། ཁམས་མོ། དཔོན་མོ་དཔལ་ལྡན་འབུམ་གསུམ་ཇོ་མོར་བླངས་པ་ལས། དང་པོ་ལ་རྒྱལ་བ་རིན་ཅེན། དྲུང་ནམ་མཁའ་བཟང་པོ། གཉིས་པ་ལ་དཔོན་ཤག་པ། གསུམ་པ་ལ་དཔལ་ལྡན་ཆོས་སྐྱོང་དང་། བསོད་ནམས་བཟང་པོ་འཁྲུངས།
དཔལ་ལྡན་ཆོས་སྐྱོང་གིས་ཉང་སྨད་བསམ་འགྲུབ་རྩེའི་རྫོང་དཔོན་ཐོག་ཅིག་མཛད། དྲུང་ཆེན་དཔོན་གྲགས་པས་གོང་མའི་ཞབས་ལ་གཏུགས། སྤྱན་སྔ་གྲགས་པ་བྱང་ཆུབ་དང་། རྫོང་བྱི་རྒྱལ་མཚན་བཟང་པོ་དཔོན་བློན་བཀའ་བགྲོས་ཐོག་སྣེའུའི་རྫོང་དཔོན་དུ་བསྐོས། གོང་དཀར་ནས་སྒོམ་ལོག་ཆོས་རྒྱལ་གཅུང་པོ་རྩེས་ཐང་དགེ་བསྙེན་དང་། པ་སྡེ་མཁན་པོས་གཙོས་པའི་དམག་གི་སྦྱོར་བ་བཤམས་པ་མཚོ་སྣ་གདོང་དུ་སླེབས་སྐབས། དཔོན་གྲགས་པ་རང་གིས་