[A:5b]དཔལ་ལ་སོགས་པ་གང་རུང་རེ་རེའི་སློབ་མ་བྱེད་མཁན་དགུ་བྱུང་བ་ལ་བུ་མོ་དགུ་ཞེས་ཟེར།
བཟད་རིང་གི་མཚན་ནི་དར་མ་ཚུལ་ཁྲིམས་ཏེ། དེས་ཁྲོ་ཕུར་ཕར་ཚད་ཀྱི་བཤད་གྲྭ་གཙུགས། དེ་ལས་བརྒྱུད་པ་ཚད་མའི་སྐྱེས་བུ་དང་། བུ་སྟོན་ཐམས་ཅད་མཁྱེན་པ་སོགས་སོ༎
མཉལ་ཞིག་གི་བུ་དགུའི་སློབ་མ་རྒྱ་སྟོན་ཕྱིང་རུ་བས་གླིང་སྟོད་ཀྱི་གདན་ས་ལོ་བཅོ་བརྒྱད་བྱས་ཤིང་། སྙེ་ཐང་བདེ་བ་ཅན་གྱི་ཆོས་གྲྭ་བཏབ། དེའི་གདན་ས་གཉག་གྲགས་ཚུལ་གྱིས་བྱས། རིན་པོ་ཆེ་བློ་བཟང་པའི་གྲྭ་ས་འདི་དང་། འཚལ་ཆོས་འཁོར་གླིང་ཡིན་ཅིང་། ཕྱིས་ས་སྐྱར་མཛད་པའོ༎
མཉལ་ཞིག་གི་བུ་མོ་དགུའི་ནང་གི་ཇོ་ནམ་ལ། སློབ་མ་འཇམ་དབྱངས་འོད་ཟེར་མགོན་པོ་བྱུང་། དེས་གླིང་སྨད་ཀྱི་བདན་ས་ལོ་སུམ་ཅུ་སོ་ལྔ་བྱས༎
དེ་ལ་སློབ་མ་འཇམ་དབྱངས་ཤཱཀྱ་གཞོན་ནུ་དང་། ཁ་རག་པ་བྱང་ཆུབ་གཞོན་ནུ་གཉིས་བྱུང་།
དང་པོས་གླིང་སྨད་ཀྱི་གདན་ས་ལོ་ཉི་ཤུ་རྩ་བདུན་མཛད་ཅིང་། འཚལ་ཆོས་འཁོར་གླིང་གི་བཤད་གྲྭ་གཙུགས༎ ཇོ་ནང་པ་ཕྱོགས་ལས་རྣམ་རྒྱལ་གྱི་གྲྭ་ས་འདི་ཡིན། ཤཱཀ་གཞོན་ལ་སློབ་མ་གསང་ཕུ་བ་བློ་གྲོས་མཚུངས་མེད། གཡག་སྡེ་པན་ཆེན། ཀ་བཞི་རྐང་གཅིག་རྣམས་བྱུང་།
དང་པོས་ཀརྨ་པ་རང་བྱུང་རྡོ་རྗེཨི་བླ་མ་བྱས།
གཉིས་པས་གླིང་སྨད་ཀྱི་བླ་ཟུར་བྱས་ནས་ཨེ་ཝཾ་གི་དགོན་པ་བཏབ།
གསུམ་པས་རབ་སྒང་གི་ཀ་བཞི་དགོན་བཏབ།
མཉལ་ཞིག་གི་རྗེས་ལ། གཙང་པ་འཇམ་དཔལ་སེང་གེ་དང་། ཛ་ཛ་ནེ་གཉིས་ཀྱི་གདན་ས་སོ་སོར་བཟུང་བས། གླིང་སྟོན་སྨད་ཀྱིས། ཏཟ་ནེས་གླིང་སྨད་ཀྱི་གདན་ས་ལོ་བདུན་བྱས་པའི་རྗེས་ལ། གཞུ་པ་ཁུ་དབོན་གྱིས་ལོ་སུམ་ཅུ།
མཉལ་ཞིག་གི་སློབ་མ་ཇོ་ནམ་གྱིས་ལོ་བཅྭ་ལྔ། དེའི་སློབ་མ་འོད་ཟེར་མགོན་པོས་ལོ་ལྔ། དེའི་སློབ་མ་ཤཱཀ་གཞོན་གྱིས། སློབ་དཔོན་གྱི་བགྲོས་ལ་བརྟེན་ཞིང་།