[A:68]stobs mnga' ba/ /'jam mgon bla ma'i zhabs la mgos phyag 'tshal/ /zhes sogs bstan bcos mchod brjaud brjod pa'i tshe/ /phyi rol rtog ge ngan pas khengs pa yi/ /'phrog byed dga' ba zhes bya'i phyi rol pa/ /phrag dog zhe sdang me rlung 'tshubs 'dra yi/ /dbang phyug tshangs pa'i rjes 'brang ral pa can/ /drug phrag gcig gis 'gran par sems te 'ongs/ /bla ma chos rje'i drung du lhags nas kyang / /dbang phyug tshangs pa'i yon tan che ba brjod/ /de nas bla ma chos rje slob ma'i tshogs/ /'phrog byed ral pa can dang rtsod par brtsam/ /bcu gsum gdugs dang bstan pa dpang du btsugs/ /bcu gnyis bar du bla ma chos rje pham/ /'u yug bzang rings la sogs bros pa'i tshe/ /yi dam lha la yi chad gsol ba btab/ /sgrol mas lung bstan 'jam dbyangs rtsod pa'i grogs/ /byas pas bcu gsum nyin par chos rje rgyal/ /'phrog byed ral pa can gyis 'di skad smras/ /khyod min khyod kyi phrag pa g.yas pa yi/ /dmar ser ral gri can de ma thub pas/ /de bas khyod rgyal nga ni pham par gyur/ /zhes zhus 'khor rnams bros te song zhes grags/ /de nas 'phrog byed dga' bas 'dud pa'i tshe/ /padma'i bstan srung bstan mas bar chad byas/ /'phrog byed dga' ba mya ngan zhabs su shi/ /phyin chad bod du mu stegs pa yi rigs/ /bgrod par mi nus 'ong bar mi sems so/ /bstan la bya shes chos rje rin po che/ /rig pa'i gnas lnga mthar phyin zab mo yis/ /'gro don mdzad cing 'chad rtsod rtsom pa'i tshe/ /rje btsun chen po'i zhal nas 'di skad gsungs/ /mi rigs mi gcig sum brgya drug cu'i yul/ /skad rigs mi gcig bdun brgya nyi shu'i skad/ /tha dad skad dang yul gyis dbye ba'i yul/ /byang nas byang phyogs rgyal khams hor gyi yul/ /bsod nams bsags pa'i jin gin gan gyi rgyud/ /byang sems sprul pa rgyal po go dan gyis/ /khyod kyi snyan pa'i grags pa thos nas kyang / /spyan 'dren pho nya drag po 'di ltar 'ongs/ /zha khra 'dra lham phag sna 'dra gyon pa'i/ /dor ta zhes bya'i rkang mgyogs btang ba'i tshe/ /the