[A:70]sgrol mas 'khor ba sgrol zhes gsungs/ /byams pa mgon pos ting 'dzin brgya phrag gi /sgo dbye sa lam lung bstan mngon sum mdzad/ /mi g.yo mgon pos bdud bzhi'i bar chad dang / /lam gyi 'jigs pa bsal zhes dbugs dbyung mdzad/ /nyi shu dgu yin nam phyed gyur pa na/ /de bzhin gshegs pa sgra dbyangs mi zad pa/ /sgrogs pa'i rgyal po mngon sum gzigs gyur cing / /rgyas 'bring bsdus gsum de nyid sbas don zhus/ /de yi tho rangs spyan ras gzigs mgon la/ /thugs rjes byang chub mchog tu sems bskyed zhus/ /nyi ma 'char kar 'jam dbyangs zhabs drung du/ /shes bya'i gnas la the tshom dra ba bcad/ /smin drug zla ba'i yar tshes drug gi nyin/ /pi wang gling bu rol mo'i sgra rnams byung / /dad ldan skye bos ltas bzang sems pa la/ /chos rje'i thugs ni rangs par ma gyur to/ /bcu gsum snga dro gzims khang bzhugs pa'i tshe/ /seng ge'i khri la sangs rgyas bcom ldan 'das/ /nyan thos dgra bcom 'khor gyi tshogs nang du/ /bcu gnyis bden bzhi'i chos 'khor bskor ba la/ /yan lag bdun pa bzang spyod mdo yi lugs/ /smon lam rgyal po lha yi skad du btab/ /bcu bzhi'i nyin par sprin gyi phung po'i nang / /kye yi rdo rje lha dgu'i dkyil 'khor la/ /bshad pa'i rgyud 'dzin rig 'dzin sdom pa zhus/ /lnga gsum zla rgyas bskor ba mdzad pa'i tshe/ /nam mkha'i mthongs su 'ja' 'od 'khyil ba'i dbus/ /rje btsun sgrol ma lan gsum zhal gzigs nas/ /phyag gnyis thar sbyar a bi ta ra zhes/ /tshes pa bcu bdun nam gung yol ba na/ /gzims pa nas bzhengs bdug spos phul nas ni/ /bi ji la sogs bu slob tshogs rnams la/ /mkha' la ci shar khyod kyis mthong gyur tam/ /rol mo thos sam yid la bde mthong ngam/ /nam mkha'i mthongs su rol mo'i sgra rnams sgrogs/ /ci yang ma mthong zhus pas da dung yang / /sdig shas chung mod 'bad pas shin tu sbyongs/ /bde mchog la sogs dkyil 'khor mthong zhes gsungs/ /sdug bsngal 'gro la thugs rje skyes pa na/ /