[A:87]na nyid kyi sgron ma/ gsang ba'i sgron ma/ de kho na nyid kyi man ngag ste thig le'i rgyud lnga dang / rnyog pa med pa A ra li dang / ri gi A ra li dang / rdo rje A ra li ste rgyud chung ba gsum bstan bcos dang man ngag du mas brgyan pa gsan cing thugs su chud par mdzad do/ /yang bla ma mar pa lho brag pa'i slob ma mes tshon po zhes bya ba'i bshad pa'i srol byang chub sems dpa' sa skya pa chen pos dge ba'i bshes gnyen sgyi chu ba las gsan pa'i dpal kye'i rdo rje'i bshad tshul nos pa yin no/ /dri ma med pa'i rgyud sde dag gi rnam par 'grel pa dang / lag tu blang ba'i rim pa la sogs pa so so'i dgongs pa thugs su chud par mdzad pa ni/ de lta bu'i rtsa ba'i rgyud brtag pa gnyis pa gtso bor gyur pa'i rdo rje'i tshig de la/ sprul pa'i sku ye shes kyi mkha' 'gro ma dngos kyi slob mar gyur cing rnal 'byor gyi dbang phyug birWa pa nyid kyi dgongs pa yin mod re zhig Dombhi ba'i skor zhes grags pa la/ brtag gnyis la 'grel pa ku mu ti/ dkyil 'khor gyi cho ga bzang po yang bzung / sgrub pa'i thabs yan lag drug pa/ bdag med ma'i sgrub thabs te slob dpon mi thub zla bas mdzad pa rnams dang / 'khor lo bzhi la brten pa'i rdzogs rim ston pa gtum mo'i 'grel chung la sogs pa gtso bo dang yan lag gi bstan bcos bcu phrag gcig dang dgus lhag pa gsan cing thugs su chud par mdzad do/ /yang rgyud sde rin po che'i dgongs pa rnal 'byor gyi dbang phyug padma badzra zhes bya bas gsal bar mdzad pa 'grel pa padmo can/ dkyil 'khor gyi cho ga nas gling ma/ sgrub pa'i thabs mtsho skyes la sogs pa sde tshan rnam pa bdun la padma'i skor zhes grags pa gsan cing mngon du mdzad pa yin no/ /de las gzhan rdo rje gur gyi bshad sbyar slob dpon nag po pas mdzad pa dang / mi thub zla bas mdzad pa rigs bsdus mkha' 'gro lnga'i sgrub thabs dang / 'ga' zhig rgyud rgyas pa'i dum bur bzhugs pa rtsa ba'i mngon