[A:88]par rtogs pa chen po la sogs pa skabs kyi 'grel pa brgyad dang bcas pa ji lta ba bzhin du thugs su chud par mdzad nas/ slar yang brtag pa gnyis pa'i 'grel pa rnal 'byor rin po che sbyor ba'i phreng ba zhes bya ba slob dpon nag po pas mdzad pa dang / de nyid kyis mdzad pa'i dkyil 'khor gyi cho ga gzhung 'grel zhes bya ba dang / sgrub thabs de nyid gsal ba la sogs pa'i chos bco lnga dge ba'i bshes gnyen 'gos las brgyud de 'ongs pa gang yin pa de gsan cing mngon du mdzad pa yin no/ /de las gzhan rtsa ba'i rgyud brtag pa gnyis pa le'u lnga pa de kho na nyid kyi le'u yan chad kyi rgyud rgyas pa 'bum phrag lnga pa'i don bsdus par bzhed pa/ byang chub sems dpa' rdo rje snying pos mdzad pa'i 'grel pa ni sdom brtson dam pa kha che paNDi ta las gsan cing / gzhan bha wa ma dang / dran pa'i rgyu mtshan zhes bya ba dang / mu tig phreng ba/ dam tshig rdo rje ma rnams ni chos kyi rje nyid las gsan cing mngon du mdzad la/ rdo rje gur la lha'i rigs kyi blo gros kyis byas pa'i 'grel pa dang / mi'i bdag po indra bhu tis mdzad pa'i sambu Ta'i 'grel chen ni kho bos zhib tu ma thos mod/ /'on kyang de dag gi dgongs pa ji ltar gnas pa'i don la som nyi med do zhes gsungs so/ /yang gsang sngags kyi rgyud sde mtha' dag dang / khyad par gyis kyang rtsa ba'i rgyud brtag pa gnyis pa'i gdams ngag /rnal 'byor gyi dbang phyug birWa pa'i dgongs pa/ skye ba 'di nyid la 'tshang rgya ba'i sgrub thabs kyi gnad khyad par can man ngag rin po che thams cad kyi mdzod 'dzin pa/ bla ma chen po mu gu lung pa de'i thugs kyi sras/ bla ma se mkhar chung ba zhes bya ba'i zhabs rdul dri ma med pa las nos pa/ rje btsun zhang dgon pa ba zhes bya bas dpal sa skya pa brtse ba chen po la rjes su gdams pa/ lam 'bras bu dang bcas pa/ gzhan lam gyi skor dgu zhes grags pa la man ngag phra mo nyi shu rtsa lnga la sogs pa bsam gyis mi khyab cing de re re la'ang yan lag du ma dang bcas pa