[A:91]pa 'gos lo tsA ba las brgyud de 'ongs pa bla ma kha'u pa sku mched kyi gsung rab man ngag du ma dang bcas pa rnams dang / yang bshes gnyen dam pa de dag las slob dpon ye shes zhabs kyi dgongs pa bla ma gnyan lo tsA ba las 'ongs pa ni/ 'jam dpal zhal gyi lung zhes bya ba de nyid kyis mdzad pa dang / shAnti pa'i 'grel pa dang bcas pa/ de dag slob dpon sangs rgyas ye shes zhabs nyid kyi dgongs pa/ slob dpon nyid kyis mdzad pa kun tu bzang po'i 'grel pa gsum dang bcas pa dang / rgyud kyi 'grel pa gsang ba 'dus pa'i rgyan zhes bya ba dang / dza ya dang / tha ga na zhes bya ba dang / snyim pa'i me tog chen po dang / chung ba dang / dkyil 'khor gyi cho ga bzhi brgya lnga bcu pa rtsa 'grel dang / mi bskyod rdo rje zhes bya ba'i sgrub thabs dang / brtan pa'i nor rdzas zhes bya ba'i sgrub thabs dang / slob dpon bsod snyoms pas mdzad pa'i dkyil 'khor gyi cho ga'i dka' 'grel la sogs pa dang / slob dpon nyid kyis mdzad pa'i lung dang mthun pa'i chos bcu bdun dang / rgyud kyi 'grel pa rin po che'i ljon shing zhes bya ba dang / snga ma gnyis mar me mdzad kyis mdzad pa'i dkyil 'khor gyi cho ga dang bcas pa la slob dpon sman pa'i zhabs kyis mdzad pa'i so so'i 'grel pa dang / de nyid kyis mdzad pa dngos grub 'byung ba'i gter zhes bya ba rnams man ngag gi rin po che du mas mdzes par byas pa dang bcas pa gsan zhing thugs su chud par mdzad pa yin no/ /gzhan yang rtsa ba'i rgyud brtag pa gnyis pa dang / dpal ldan gsang ba 'dus pa'i dgongs pa gsal bar byed pa rgyal sras mai tri pa'i bshad pa'i srol/ bla ma phyag na rdo rje zhes bya ba las brgyud de 'ongs pa dpal gsang ba grub pa dang / ye shes grub pa dang / gnyis su med par grub pa dang / dngos po gsal ba'i rjes su 'gro ba'i de kho na nyid grub pa dang / ko ra li grub pa la sogs pa grub pa'i sde bco brgyad dang / bram ze chen po