[A:90]brgyud de 'ongs pa dang / de las gzhan pa gnyis su med pa'i rgyud dpal mgon po mngon par 'byung ba'i rgyud dang / gsang sngags kyi spyod pa rgya mtsho'i mchog tu gyur pa'i 'grel pa/ mtshan yang dag par brjod pa rnams gsan cing mngon du mdzad pa las/ rgyud 'di'i rnam par bshad pa la mtshan brjod 'grel chen zhes bya ba slob dpon 'jam dpal bshes gnyen gyis mdzad pa dang / de nyid kyis mdzad pa'i panytsi ka TI ka zhes bya ba sgeg pa'i rdo rjes mdzad pa'i 'grel pa bar pa zhes grags pa dang / de nyid kyis mdzad pa gsang ba dang ldan pa zhes bya ba'i sgrub thabs dang / de'i rgyud la zla bzang dpal gyis mdzad pa'i 'grel pa dang / rnam par rtog ge zhes bya ba'i 'grel pa ste de dag thams cad yan lag phra mo dang bcas pa du ma gsan cing mngon du mdzad pa yin no/ /mtshan yang dag par brjod pa rtsa ba dang 'grel pa dang bcas pa kha'u pa dang de nyid kyi sku mched las 'ongs pa yin no/ /yang rje btsun rin po che de nyid las dpal ldan gsang ba 'dus pa la sogs pa thabs kyi rgyud gsan pa ni dpal gsang ba 'dus pa rtsa rgyud dang / rgyu phyi ma le'u bco brgyad pa las bshad pa'i rgyud rnam pa bzhi las/ ye shes rdo rje kun las btus pa'i rgyud dang / lha mo bzhis zhus pa gnyis gsan cing / rgyud sde de dag gi dgongs pa gsal bar byed pa'i slob dpon chen po gnyis shig byon pa las/ slob dpon 'phags pa'i skor la/ de nyid kyis mdzad pa'i rim pa lnga pa dang / mdor byas pa dang / de nyid mdo dang bsre ba dang / rgyud kyi 'grel pa slob dpon zla grags kyis mdzad pa'i sgron ma gsal ba zhes bya ba dang / slob dpon Arya de was mdzad pa'i spyod pa bsdus pa'i sgron ma dang / bdag byin gyis brlab pa'i rim pa/ sems kyi sgrib pa sbyong ba slob dpon klu'i bshes gnyen gyis mdzad pa'i sgrub thabs kyi rnam bzhag /dkyil 'khor gyi cho ga nyi shu pa/ rdo rje sems dpa'i sgrub thabs slob dpon shes rab 'byung gnas sbas pas mdzad pa zhes bya ba la sogs