[A:93]pa dang / khams gsum rnam rgyal dang / rdo rje sems dpa' 'byung ba che chung gnyis dang / gtsug tor dgu pa la sogs pa mang po zhig gsan cing mngon du mdzad mod/ de nyid bsdus pa'i 'grel pa ko sa la'i rgyan dang / khams gsum rnam rgyal dang / mgon po kun snang ste gsum po ma gsan gsungs so/ /gzhan yang lo tsA ba chen po las 'ongs pa rab tu gnas pa'i rgyud dang / bstan bcos slob dpon kun dga' snying po dang / slob dpon pradznyA wa li tas mdzad pa dang / slob dpon zhi ba snying pos mdzad pa'i mchod rten sgrub pa'i cho ga dang / sku gzugs spyan dbye ba'i cho ga zhib mo dang / slob dpon dge mtshan bshes gnyen gyis mdzad pa'i khrus kyi cho ga ma lus pa dang / de thams cad kyi lag tu blang ba'i rim pa jo bo rin chen bzang pos sdom gyi tshigs su bcad pa dang bcas pa gsan cing thugs su chud par mdzad do/ /yang de nyid las gsang sngags spyod pa'i rgyud gsan pa ni/ mnga' bdag lha ri zhes bya ba'i bshad srol/ bla ma kha'u pa las brgyud pa'i rnam par snang mdzad mngon par byang chub pa'i don bsdus rgyas par gsan pa dang / rgyud kyi bshad pa phra mo ston pa'i zhar la lung tsam zhig nos kyis gzhan 'phags pa 'jam dpal gyi rtsa ba'i rgyud dang / gshin rje'i gshed khro bo rnam par rgyal ba dang / pra khong sna rgyud gsum gyi rnam par bshad pa rgya chen po chos kyi rje nyid las ma nos zhes khums so/ /yang bya ba'i rgyud gsan pa'i rnam grangs cung zad brjod na/ brgyud pa spyod pa'i rgyu dang mthun pa yin la/ rgyud la rigs gsum so so'i rgyud dang / rigs sdom pa'i rgyud gnyis las snga ma la 'phags pa 'jam dpal gyi rgyud la 'jam dpal dpa' bo grub pa dang / 'jam dpal gyi rgyud nas gsungs pa'i 'jam dpal gyis dmod btsugs pa la sogs pa mtha' dag gsan mod/ 'on kyang 'jam dpal gho ba ngag gi dbang phyug ces bya ba rgyud kyi dum bu de ma gsan zhes gsungs so/ /spyan