[A:99]dbang blo'i TI ka tshad ma kun las btus dang bde bar gshegs pa'i gsung rab mdo sde'i lung dang sbyar nas rnam 'grel gyi bshad pa gsan/ rnam 'grel gyi rgyan stong phrag bco brgyad pa le'u gnyis/ rnam nges kyi 'grel pa chos mchog stong phrag bcu gnyis pa le'u gnyis gsan cing / lus kyi bstan bcos bsdus par gyur pa rigs pa'i thigs pa'i rtsa ba dang / slob dpon kA ma la shi las mdzad pa'i rigs pa'i thigs pa'i phyogs snga ma gsan/ yan lag gi bstan bcos rgyud gzhan grub pa bram ze'i 'grel pa dang sbyar te gsan/ de las gzhan dznyA na shrI'i skad cig ma che chung / gzhan sel dpyad pa lnga gsum brtags pa la sogs pa rab tu byed pa phra mo mang du gsan/ chos mchog gis mdzad pa'i grub pa brgyad las tshad ma grub pa'i rab tu byed pa dang / slob dpon bram ze'i tshad ma grub pa'i rab tu byed pa gsan pa yin no/ /gzhan yang bcom ldan 'das byams pa'i mngon par rtogs pa'i rgyan rtsa rkyang gi bshad pa dang / rgyal sras thogs med kyi gzhung rnam par rig pa gsal bar smra ba theg pa chen po bsdus pa dang / gzhan yang de nyid las/ slob dpon dbyig gnyen gyi gzhung lugs gsan pa chos mngon pa mdzod kyi gnas brgyad las gnas lnga pa yan chad/ slob dpon nyid kyis rang 'grel dang / TI ka slob dpon blo brtan dang / slob dpon grags pa'i bshes gnyen gyis mdzad pa'i rjes su 'brang ba gsan/ gzhan nyi shu pa'i rab tu byed pa/ sum cu pa'i rab byed rnams rang 'grel dang bcas pa dang / rnam par bshad pa'i rigs pa dang / phung po lnga'i rab tu byed pa dang / yang slob dpon la ba pas mdzad pa rnam par rig pa gsal bar ston pa'i gzhung 'grel par bcas pa dang / rang bzhin gsum grub pa la sogs pa rab tu byed pa mang po zhig paNDi ta saM gha shrIs zhus pa'i rjes su gsan zhes gsung ngo / /yang de nyid las shes rab kyi pha rol tu phyin pa bdun brgya pa slob dpon kA ma la shi las mdzad