[A:101]rakShi tas mdzad pa dang / rdo rje dril bu ba'i skor rnams dang / de las gzhan pa'i man ngag phra mo ci rigs pa rnams la/ a bha ya ka ras mdzad pa'i rdo rje phreng ba las bde mchog gi skabs de zhus shing lung blangs kyi rdzogs par ni zhib tu ma gsan zhes gsungs so/ /gzhan yang de nyid las byang chub sems dpa' rdo rje snying pos mdzad pa'i brtag pa gnyis pa'i 'grel pa dang / dpal phyag na rdo rje'i bstod 'grel gyi lung tsam blangs pa yin la/ de las gzhan sgra dang tshad ma rnams dang / pha rol tu phyin pa dang / 'dul ba dang / rdo rje theg pa'i gzhung lugs gang zhig gsan pa de thams cad la legs par bsams shing gtugs te som nyi med par ma lus pa rtogs shing khong du chud pa yin no zhes gsal bar nges pa yin no/ /yang gnas skabs de nyid du bsod snyoms pa chen po de nyid kyi zhabs rdul la mngon par mchod cing gsung rab kyi bdud rtsi blo gros kyis snyim pas gsol zhing gdung rgyud dri ma med par gyur pa'i mkhas pa chen po paNDi ta saM gha shrI zhes bya ba las sgra dang tshad ma la sogs pa gang zhig gsan pa de gsal bar brjod na/ sgra'i bstan bcos 'di pa kho na'i gsung rab kyi dag byed tsandra pa dang / ming dang byings sgrub pa'i rab tu byed pa/ su banti dang ti ngan ti gnyis dang sgra kA la pa'i byed pa'i tshig bsgrub pa puNya shrIs mdzad pa'i pra kr-i ya dang / snyan ngag gi bstan bcos gzhon nu 'byung ba dang / snyan ngag gi bstan bcos daNDi dang / dbyangs can gyi mgul rgyan stong nas stong phrag bzhi dang / sdeb sbyor 'phags pa 'jam dpal gyi bstod pa la gzhi byas pa br-i ta ma la zhes bya ba dang bcas pa gsan cing thugs su chud par mdzad nas tshad ma'i gzhung lugs la rnam 'grel le'u dang po rtsa ba yid kyi shing rta'i bshad pa kun las btus dang sbyar ba gsan/ de'i le'u dang po'i 'grel pa stong phrag gnyis bsgyur zhing zhus pa dang / yan lag gi bstan bcos rtsod pa'i rigs pa slob dpon zhi ba 'tsho'i 'grel pa