[A:110]phyir dang / so sor rang gis rig pa'i myong bas kyang grub pa'i phyir dang / rgyu mtshan gzhan gyis kyang grub pa'i phyir te/ mdo sde drin lan bsab pa las/ sangs rgyas thabs la mkhas pas tshigs su bcad pa gcig gis kyang chos grangs med pa ston la/ chos grangs med pa yang tshigs su bcad pa gcig tu ston te/ sangs rgyas kyi mdo tsam bstan yang kun dga' bos ma lus par shes pa ni/ shes rab kyis bzung du zin pa stobs che ba'i phyir ro zhes gsungs pa de nyid la gsal ba dang / klu'i rgyal po ma dros pas zhus par/ klu'i bdag po thams cad mkhyen pa'i sems de'i stobs ni rnam pa lnga ste gang zhe na/ nga rgyal bcom pas ye shes kyi stobs dang / thos pa dang ma bral bas shes rab kyi stobs dang / khro ba med pas byams pa'i stobs dang / mtshan yongs su rdzogs pas bzod pa'i stobs dang / 'khor du bag tsha ba dang bral bas mi 'jigs pa'i stobs so zhes gsungs pa de 'di la mthong pa'i phyir dang / yang mdo sde snga ma de las/ des na bla na med pa'i byang chub thob par bya ba'i phyir rig pa'i dngos po lnga bslab par bya'o zhes gsungs pa de 'di la mnga' ba'i phyir/ de'i rang bzhin dang bsngags par 'os pa rgyas par brjod pa'i spobs pa yod par khas 'che bar ga la nus/ rgyu mtshan phyi ma 'di ni rtags kyis grub ste/ sngar smos pa'i gzhung lugs chen po de rnams las/ bod la nye bar mkho ba cung zad bstan pa ni/ sgra'i bstan bcos la mkhas pa rnams 'jug pa'i sgo zhes bya ba chen po de dang / phal che ba la mkho ba shes rab 'phro ba zhes bya ba dang / de bas kyang rtogs sla ba sgra la 'jug pa zhes bya ba ste gsum mdzad do/ /tshad ma'i bstan bcos la rigs pa'i gter zhes bya ba mdzad/ de ni sde bdun TI ka dang bcas pa'i dgongs pa 'di na gnas pas sde bdun snying po zhes kyang byar rung zhes kyang