[A:109]bsgrags par ci'i phyir nus te de ni khyed lta bu'i spyod yul ma yin no zhes dogs na/ bden te 'di'i mkhyen rab la sogs pa rgyas par brjod pa'i spobs pa dpag par dka' ba'i blo gros dang ldan pa gzhan la yang yod par mi sems mod/ bdag lta bu la smos ci dgos/ 'on kyang mtshungs pa med pa'i chos kyi rgyal po 'di bshes gnyen dam pa ji snyed cig bstan pa de dag phal che ba'i zhabs drung du bka' 'bangs kyi tha mar gyur pa kho bo yang mchis te/ sdom brtson dam pa mkhas pa rnams kyi gtsug rgyan du gyur pa bsod snyoms pa chen po sras dang bcas pa de dag dang / byang chub sems dpa' kun nas brtse ba'i 'od kyi zhabs la sogs pa gang zhig bsnyen cing mchod de bkur la gus pas brten pa de thams cad kyi rjes su 'brangs shing / 'ga' zhig gi lung tsam bdag gis kyang khums pa dang / gang gi tshe mtshan tsam kho bos mngon du gyur pa de dag gis gsan pa'i rnam grangs thams cad gtugs shing yi ger bkod cing 'dris par byas pa yin te/ de tsam la yang gces par 'dzin pa dang / 'dun cing mos la spro ba khyad par can yod pa dang / yang bdag cag gis mngon du gyur pa'i gzhung la sogs pa 'ga' zhig chos kyi spyan du gyur pa nyid la gtugs shing nges par byas pa yin pas na mdo tsam 'di bri bar nus kyi/ gzhan du na de'i mkhyen rab la sogs pa'i rnam par thar pa rgya chen po su zhig gis brjod spobs te ci'i phyir zhe na/ sngon gyi bsod nams dpag tu med pa'i rgyu las grub pa dang / bshes gnyen dam pa du ma yun ring du bsten pa dang / bcom ldan 'das 'jam pa'i dbyangs kyis nges par dgongs pa'i phyir te/ skye ba gzhan du sbyangs pa dang / /mkhas pa du ma bsten pa dang / /rnam par dpyod pa'i blo gros kyis/ /shes bya kun la 'jigs med thob/ /ces chos kyi rje nyid kyis gsungs pa'i