[A:82]gzhan ci yang rung ba zhig la brten pa de dag ni bde bar 'gram du phyin par 'gyur ro/ /'od srungs de bzhin du byang chub sems dpa'i theg pa thams cad mkhyen pa'i gru zhig ste/ byang chub kyi sems las rab tu nyams na/ gang dge ba'i bshes gnyen gyi shing leb la brten pa de dag ni yang thams cad mkhyen pa'i sems rab tu thob ste chos thams cad kyi pha rol tu song nas chos kyi dbyings kyi gling du phyin to zhes dang / sdong po bkod pa'i mdo las/ byang chub sems dpa' rnams kyis byang chub sems dpa'i spyod pa thams cad thob pa ni dge ba'i bshes gnyen la rag las pa'o/ /byang chub sems dpa' yon tan yongs su rdzogs par bya ba thams cad ni dge ba'i bshes gnyen las byung ba'o/ /byang chub sems dpa'i dge ba'i rtsa ba thams cad ni dge ba'i bshes gnyen gyis skyed pa'o zhes bya ba la sogs pa dang / yang mdor na sangs rgyas dang byang chub sems dpa'i spyod pa thams cad dang sangs rgyas kyi chos thams cad rab tu thob cing yongs su 'grub pa ni dge ba'i bshes gnyen kho na las 'byung ngo zhes gsungs shing / gzhan yang dri ma med pa'i mdo sde dang / rgyud sde rin po che rnams dang / dngos grub brnyes pa'i slob dpon dag gis phyogs bcu dus gsum gyi rgyal ba ma lus pa la bsnyen bkur ba'i bsod nams bla ma'i ba spu'i rtse mo gcig la gsal bar mthong ba la sogs pa rgya cher gsungs pa thos shing mthong la/ cung zad nges pa'i phyir te/ 'di nyid kyi gsung rab las/ bdag nyid chen po yon tan rgya mtsho yi/ /rnam thar me tog gus pas spel ba la/ /bsod nams grub pa gang yod de yis bdag /srid gsum bla ma'i go 'phang thob par shog /ces 'byung ba'i phyir ro/ /de bas na 'di ni/ gsal rgyal gyis zhus pa'i mdo las/ rgyal po chen po khyod dam pa'i chos kho na 'tshol ba dang / rgyal po chen po khyod ji lta bur/ /yul ko sa la'i mi rnams kyi don dang /