[A:129]tshul slob dpon bi ji ba'i gsung ltar brjod na/ lcags mo phag gi lo la gzhan don la bzhud pa'i dus su tha skar gyi zla ba la ltas chen po bco brgyad byung / tha skar gyi tshes brgyad kyi nyin par sa g.yos chen po byung / bdag bi ji lha rjes rgyu mtshan zhus pas rgyal ba'i sras su gyur pa chen po rnams gzhan don la 'gro ba'i ltas yin/ 'o cag kyang de'i rjes su 'jug pa 'dra gsung / nyi shu dgu'i nam phyed na longs sku'i cha lugs sgra dbyangs mi bzad par sgrogs pa'i rgyal po mngon sum du byon/ sku mdog dkar po zhal gcig phyag gnyis par byon nas/ khyed kyis spos phul gsungs nas bdag gis spos phul/ tho rangs kyi dus su spyan ras gzigs dbang zhal bcu gcig pas byin rlabs mdzad pa'i snang ba byung / smin drug gi zla ba'i yar tshes drug gi nyin par sgra sna tshogs grag /bdag drung na yod pas lha khang gi nang na rnam rgyal mchod pa byed mi rnams yin nam zhus pas/ lha khang na rnam rgyal byed pa la bltar song gsungs/ der bltar phyin pas khong rnams kyis kyang sgra thos zin ci yin nam khyed zhur song zer/ bdag gis zhus pas lha'i sun ma mang po byung mchod pa gyis/ nga rang gzhan don la 'gro dgos pa yin gsungs/ me tog gi char pa yang sa la bab rgyu med par nam mkha' la mang po byung / tshes bcu gsum gyi nyin par gdugs la bzhugs pa'i dus su/ nyi ma yod pa'i 'phro la sprin dkar po legs pa cig nar gyis byung / nam mkha' la phyag mdzub gtad nas bzhad cig mdzad/ khyed kyis e mthong gsungs/ bdag gis ma mthong / shin tu sems dga' ba cig byung zhus pas/ sdig shas chung bar 'dug ste 'on kyang sdig pa'i dri ma yod pa 'dra bas sdig sbyong gyis gsungs/ sangs rgyas bcom ldan 'das seng ge'i khri la 'khor nyan thos dang bcas pa bzhugs pa'i snang ba byung bas spos phul gsungs/ de nas spos phul/ bcu bzhi'i nyin par phyi dro gdugs