[A:128] da nga'i dpon de shi la khad yod de shi na go dan yang shi/ nga'i dpon de sos na go dan yang sos pas/ rim gro yang chang chung gis mi phan mi sos pas/ khyed kyis nga'i dpon po dang go dan gso ba'i 'bad pa chen po gyis/ nga'i dpon po sos na go dan yang sos/ de sos na khyod kyang bzang por 'gro zer/ de nas chos rje pa'i thugs dgongs la/ da 'di la thabs ci byas na phan dri snyam pa la/ bar chad cung zad cig gis de yal song ngo gsungs so/ /de nas rgyal po'i don du 'phags pa seng ge sgra'i cho ga mdzad pas rgyal bu nad las thar bas shin tu dad de/ theg pa chen po'i sems bskyed la sogs pa zab pa dang rgya che ba'i chos du ma zhus/ mchod gnas rnams kyi phud du bkur/ de nas bzung ste skad rigs mi gcig pa'i gdul bya chos la mi dad pa rnams chos la dad par byas/ dad pa rnams theg chen la btsud/ mdor na gdul bya dpag tu med pa smin cing grol bar mdzad pas bstan pa'i dar rgyas phul du phyin par mdzad do/ /de nas bod du byon pa bas byang ngos su bzhugs na sangs rgyas kyi bstan pa la phan che bar gzigs nas de nyid du thugs phab bod kyi grwa slob rnams la gnang sbyin dang 'bul ba yang bskur/ chos kyi skyes su byang chub sems dpa'i lam la 'jug pa'i rim pa thub pa'i dgongs pa gsal ba zhes bya ba bskur nas tshogs chos 'di dbus gtsang khams gsum du ngas bshad pa yin pas/ nga'i slob ma thams cad kyis lung thob pa yin pas yi ge 'di la ltos la shod/ 'di bzhin du nyams su long gsungs so/ /de lta bu'i bla ma rtsod pa'i dus kyi thams cad mkhyen pa gnyis pa de dgung lo bdun cu'i bar du rgyal ba'i bstan pa dang / sems can dpag tu med pa smin cing grol bar mdzad nas/ mthar gzugs kyi sku'i bkod pa ji ltar bsdu ba'i