[A:118]khang du zer yang lo ston gyis bzhugs sa yin pas dbu skra der bzhar ba ma gtogs sdom pa nyung chung du blang gsung / bla ma kha che bas mkhan po mdzad/ byang chub sems dpa' spyi bo lhas pas las kyi slob dpon dge bshes zhu hul gyis gsang ston mdzad nas dge 'dun rgya mtsho lta bu'i dbus su bsnyen par rdzogs par mdzad nas/ kha che ba'i zhal nas/ da rab tu byung nas de'i bya cha dang bsrung sdom la brtson par gyis gsungs nas/ chos rje pa'i drung du jo gdan shin tu thu mo cig bzhag nas 'phral gyi spyod lam thams cad la skyon gtong gin pa cig byung / de nas bla ma kha che ba las tshad ma sde bdun lan gsum dang / rgyan dang chos mchog la sogs pa 'grel pa chen po yan lag dang bcas pa gsan/ yang de nyid las mngon pa mdzod dang / 'dul ba mdo rtsa/ so sor thar pa/ dge slong gi kA ri kA la sogs pa 'dul ba'i phran thams cad dang / gzhan yang dus 'khor gyi 'grel pa dri ma med pa'i 'od la sogs pa de'i cha lag thams cad dang / gzhan yang bde mchog /gsang 'dus 'phags skor/ ye shes zhabs lugs sogs pa'i cha lag thams cad gsan nas de dag gi dbang bskur ba yang zhus shing thugs su chud par mdzad do/ /de nas slob dpon spyi bo lhas pa las pha rol tu phyin pa brgyad stong pa'i 'grel pa/ nyi khri'i 'grel pa/ mngon pa kun las btus pa spyod phyogs tsho/ bka' gdams kyi chos tshogs na/ gsang sngags kyi man ngag phra mo 'ga' zhig kyang gsan/ gzhan yang thugs dam mdzad pas ting nge 'dzin bsam gyis mi khyab pa mnga' bas/ phyi nang gi rten 'brel zab mo'i 'gos thugs su chud pas ma 'ongs pa'i don 'ga' zhig 'di ltar 'ong zhes lung bstan pa yang mdzad/ mi mang po'i gseb tu bzhugs kyang / thugs dam gzigs rtog gang mdzad kyang gzhan rkyen gyis g.yeng bar mi nus gsungs/ yang bla ma'i byin rlabs zhugs pa la brten