[A:120]dang yon tan gyi chos du ma yang rgyud la skyes par gyur to/ /yang nub gcig gi mnal lam du rdo'i khri chen po cig gi steng du bzhugs nas tshogs pa bsam gyis mi khyab pa la chos gsungs te/ rtog pa'i dra ba rnam bsal zhing / /zab cing rgya che'i sku mnga' ba/ /kun tu bzang po'i 'od zer dag /kun nas 'phro la phyag 'tshal lo/ /zhes pa rnam 'grel gyi mchod brjod de saM skr-i ta'i skad kyis gsungs pa'i tshe/ bla ma'i sku'i phrag pa g.yas g.yon gnyis nas nyi zla gnyis dus gcig la shar ba'i snang ba byung / nang par rje btsun gyi spyan sngar zhus pas/ rje btsun pa'i zhal nas de ni 'byung bar dka' ba'i rmi lam yin pas mchod pa dang dga' ston rgya chen po bya bar rigs de ltar byos shig gsungs nas mang bskol gcig byas gsung / yang nub kyi grog po de na mar chu chen po cig 'bab kyin 'dug /de'i gad pa'i steng na chos rje rin po che bzhugs nas slob dpon bsod nams kyis mgur bteg nas sngags kyi chos mang po dbyangs kyis gsungs/ chos rjes gad pa la 'dzegs shing gsan/ kha cher bla ma paN chen la yang de lta bu'i mtshan ma byung / phyis gleng bas nub gcig par 'dug /de nas rmi lam ma yin par dngos su byon pa ni/ sa skya na chos gsungs pa'i tshe byung ba bar snang du byung ba la grag gam/ snying ga'i 'di shed grag pa snyam byed pa'i sgra lhangs kyis byung ste/ khyod kyi tshad ma rnam 'grel gyi paNDi ta bar ma chad par skye ba nyi shu rtsa bdun byas pa yin zer/ phyis lan cig gi tshe sum cu so bdun zer ba byung gsungs/ gzhan gyi skabs su sgra tshad slob pa la rtsol ba tsam ma dgos te sngar gyi bag chags yod pa 'dra zhes yang yang gsungs/ yang chos gsung pa'i tshe/ bar snang ngam thugs ka nas khyod ni rje btsun grags pa rgyal mtshan gyi sprul pa yin/ sangs rgyas ganggA'i klung gi bye ma snyed kyis 'dul bar ma nus pa'i sems can mang po khyed kyis 'dul bar